घाटमाथ्यावयल्या रत्नाक निमाणो सलाम

मंगळारा सांजे सुरुते गावचे एक भांगराळे व्यक्तिमत्व फ्रान्सिस मंतेरो (93) ह्या संवसाराक आंतरल्य़ाची खबर आयली आनी काळीज – मन सुन्न जाले आनी भूतकाळातले उगडास मनांत घिरट्यो घालूंक लागले. आपल्या साद्या आनी आदर्श जिविता वोरवी सगल्यांच्या काळजात एक मानाचे स्थान मेळयिल्लो आंमचो आनी एक कोकणी म्हान सुपूत काळाच्या पडद्या आड गेलो, आपल्या सोबीत अस्तित्वाची छाप आमच्या काळजानी सदाकाल सोडून.
फ्रान्सिस मंतेरो
म्हळ्यार एक जिवो सांत म्हळ्यार अतिताय जावंची ना. फ्रान्सिस मंतेरो म्हळ्यार साद्या सरळ जिवीताक लाभिल्ली निखळ निर्मळ हस्याची झालर !फ्रान्सिस मंतेरो खालत्या सभावाचो एक अनुभवी स्कॉलर !!
म्हाका याद येता ती आमच्या रोझरी बोर्डिंगाच्या दिसांची. तांचो व्हडलो पूत प्रकाश आनी धाकटो पूत जोसेफ ( फादर ज्यो) आमचे सांगाता शिकताले. तेन्ना बोर्डिंगाचो ट्रॅक्टर भरुन आमका सुरुत्याच्यान भुईमुगाच्या सांगांचे वेल आनी ऊस पावताले.” इतले कित्याक गा, म्हळ्यार म्हणटाले, भुरगीं खाऊंदी गा, काळीज समादान जाता…..”
तांका स्कॉलर म्हणचे कारण म्हळ्यार ते नेमान उजवाड वाचताले आनी तातूंतल्या लेखांचे आवलोकन करताले. तेच भशेन तांचे वाचन दांडगे आसले आनी चिंतन खू्ब खोल आसले.
मृदु आवाज, ल्हवू आवाजान मोगान आोसंडुन व्हांवपी आत्मीय उलोवप आनी खंयचोय सोयरो सुरुते पावल्यार ताचो अपुरबायेन पाहूणचार हे तांचे फिक्स सभावगुण आसले. चड करुन काजुच्या हंगामात घाटावयले ज़ायते उमेदवंत किते ना किते निमीत काडून सुरुत्या पावताले आनी कर्नाटक महाराष्ट्र जोडपी मार्कंडेय न्हयेच्या देगेर आशिल्ल्या सुरुते गावच्या सोबीत काजू हांगामाच्या प्रसन्न वातावरणाचो आनंद घेताले.


फ्रान्सिस मंतेरो हांच्या फुडारपणा खाला तांचे भाव आयलेल्या सोयऱ्यान्ची बरीं सरबराय करताले.
तांचे अस्तित्व सुरुते गाव आनी क्रिस्तांव समाजाक मेळिल्ले एक वरदान आसले. तांच्या व्यक्तिमत्वाचे वर्णन करपी अशी कितलीशीच वर्णना आनी उदाहरना आमकां दिवूंक येती
अमोल मोंतेरो आनी कैतान सांगाता 23 नोव्हेंबर, 2023 दिसा म्हजी आनी तांची शेवटची भेट जाल्ली. त्या फोटुत पिरायेची कदर करी नासताना आमची दोगांची इश्टागत दिश्टी पडटा.
अशा ह्या म्हज्या आदरनिय , मोगाळ, उमेदवंत आनी घाट माथ्यावयले एक् अनमोल रत्न आशील्ल्या म्हज्या जिवाभावाच्या इश्टाक जड काळजान निमणो सलाम करता.
– लुईस रॉड्रिग्स
– luirods@yahoo.com

Related Posts

POPULAR NEWS

EDITOR'S PICK