शनवारा पुणें जावंपी 34 व्या अखिल भारतीय कोंकणी अधिवेशनाचें उद्घाटन गोंयचे मुख्यमंत्री डॉ. प्रमोद सावंत हांचे हस्तुकीं जातलें.

  

उजवाड ब्युरो, बेळगाव: ता. 14 आनी 15 नोव्हेंबर 2026 दिसा पुणेंच्या निगडी प्राधिकरण हांगा यशवंतराव स्मारक समितीच्या सभागृहांत हें अधिवेशन जातलें. हे सुवाळ्याक मुखेल उलोवपी म्हणून नामनेची भारतीय साहित्यिक अरुणा ढेरे हाजीर रावतली. कोंकणी भास आनी संस्कृती प्रतिष्ठान, मंगळूरचे अध्यक्ष नंदगोपाल शणै हांची पैलीच अधिवेशनाच्या अध्यक्षपदाचेर निवड जाल्या.

शेनवार ता. 14 दिसा सकाळीं धां वरांचेर अधिवेशनाचें उद्घाटन जातलें आनी आयतार ता. 15 दिसा दनपारां अडेज वरांचेर सांगता जातली. कोंकणींतली संशोधक, लोकवेद अभ्यासक आनी साहित्य अकादमी पुरस्कार जोडपी लेखक डॉ. जयंती नायक ही सांगता सुवाळ्याक मुखेल सोयरी म्हणून हाजीर रावतली.

औद्योगिक तंत्र शिक्षण संस्था, पुणे हांचे जोड पालवान पुणे शारांत पयलेच फावट जावपी हे अधिवेशनाक पुणेंतल्या सगल्या कोंकणी लोकांनी हाजीर रावचें, अशें आवाहन अधिवेशनाची स्वागताध्यक्ष डॉ. अश्विनी जांभेकर कुलकर्णी आनी कार्याध्यक्ष आल्फी मोंतेरो हांणी केलां.

Related Posts

POPULAR NEWS

EDITOR'S PICK