आदर्श शिक्षिका आनी आदर्श आवय मेरी फिलीप करव्हालो

उजवाड ब्युरो, बेळगाव: हांगाची निवृत्त शिक्षिका मेरी फिलीप करव्हालो (77) 7 ऑक्टोबर दिसा देवाधीन जाली. तिच्या फाटल्यान तीन धुवो, जांवय आनी नातरा असो परिवार आसा. तिच्या म्हयन्याच्या उगडासाखातीर हो लेख समर्पीत केला.
आमची आवय मेरी फिलीप करव्हालो हिचो जल्म 22 नोव्हेंबर 1949 सालात जालो. तिचे काजार 22 मे 1971 त जाले. आमचो पप्पा मिल्ट्रींत सेवेत आसलो. ह्या जोडप्याक तीन घुवो आसा तेच भाशेन आमच्या बापायक तीन भयणी टीचर आसल्या कारणान आमच्या आवयक लेगीत शिक्षिका जातेली इत्सा जाली. काजार जाल्या उपरांत बायलांक शिकप त्या काळांत शक्य नासले, पूण आमच्या पप्पान आमचे आवयक वडगाव टिचर ट्रेनिंग स्कुलांत घाले आनी ती बऱ्या मार्कापन टीसीएच पास जाली.
बरे मार्कान पास जाल्या खातीर तिची सरकारी इस्कोलांत नेमणुक जाली. सुरवातीक तिका गोजगा प्रायमरी स्कुलांत नोकरी मेळ्ळी. मागीर 6 म्हयन्यांत तिची बदली गर्व्हमेंट मुतगा स्कुलांत जाली. त्याच स्कुलांत एकूण 26 वर्सा नोकरी करुन ती निवृत्त जाली. तिचे नोकरी दरम्यान तिका बेळगाव शार आनी तालुका स्तराचेर कितलेशेच पुरस्कार फावो जाले. मोगाळ सभाव आनी प्रामाणिक सेवा हांचे वोरवीं आपल्या विद्यार्थ्यांमदें ती खूब लोकप्रीय आसली.एक कोंकणी मोगी म्हुण ती उजवाडची व्यासंगी वाचपी आसली.
आमका तिनुय धुवांक बरे भाशेन शिकोवण ताणीं आमची काजार करून दिली. बरे शिकप जाल्या खातीर आमी तिगुय भयणी बऱ्या नोकरींत आसात. ती आमकां सोडून 7 ऑक्टोबर 2026 देवाधीन जाली. आमी आमच्या मायीचो उगडास करताव.
– तिच्या यादस्तीक हो लेख समर्पीत करतात धुवो: शेरल, सॅन्ड्रा आनी इवान

Related Posts

POPULAR NEWS

EDITOR'S PICK