उकासाई कम्युनिदादीच्या कार्यकारी मंडळाचेर अरविंद आनी बबन बारदेस्कर हांची इतिहासिक निवड


उजवाड ब्युरो, बेळगाव : घाटमाथ्यावयल्या नीज गोंयकारांच्या दिश्टीन अभिमानाची गजाल म्हळ्यार गडहिंग्लजच्या साधना शिक्षण संस्थेचे संचालक अरविंद बारदेस्कर तशेच महागांवचे उद्योजक बबन बारदेस्कर हांची उकासाई कम्युनिदादीच्या गव्हर्नींग बॉडीचेर वेंचणुक जाल्या. आयतार, 14 तारकेर उकासाई (बार्देस) हांगा जाल्ल्या वर्सुकी सभेंत ही वेंचणुक जाल्या. घाटमाथ्यावयल्या गडहिंग्लज, आजरा आनी परिसरांत उकासाईच्या जोणकारांची संख्या व्हड आसा. ह्या दोगांची कम्युनिदाचीच्या मॅनेजींग कमेटींत निवड जाल्या खातीर एक नवो इतिहास निर्माण जाला.
जेश्ठ जोणकार जे.बी. बारदेस्कर हांणी ह्या वर्सुकी सभेंत मार्गदर्शन केले. त्या उपरांत घाटमाथ्यावयल्या उकासाई जोणकारांच्या पंगडान आमदार ॲड. कार्लोस फेरेरा हांची भेट घेतली.आपले परीन समेस्त जोणकारांक आपले मार्गदर्शन मेळतले आनी तांच्या हक्कांपासोत हांवुय गोंय सरकारकडेन उलयतोलो अशेय आश्वासन ताणीं दिला आनी आपल्या संपर्कांत रावात म्हुण सांगल्याची म्हायती अरविंद बारदेस्कर हाणीं दिली.
अरविंद बारदेस्कर हे सध्या अखिल भारतीय कोंकणी परिशदेच्या कार्यकारी मंडळाचे वांगडी आसात.

फोटु : उकासाय, गोंय हांगाच्या सांत एलिझाबेथ इगर्जी सामकार तसेच  हळदणचे आमदार कार्लोस आल्वारेस फेरेरा हांचे सांगाता अरविंद आनी बबन बार्देस्कर तसेच व्हिक्टर आनी जे.बी. बारदेस्कर 

Related Posts

POPULAR NEWS

EDITOR'S PICK