


मिनिन गोन्साल्वीस, उजवाड ब्युरो, बेळगाव : उजवाड संपादक आनी वरिश्ठ पत्रकार तसेच सामाजिक कार्यकर्तो लुईस रॉड्रिग्स हांच्या 60व्या वाडदिसा निमतान आयतार, 12 एप्रील दिसा एका सुवाळ्याचे आयोजन जाले. बेळगांवचे गवळीबाप रेव्ह. डॉ. डेरीक फर्नांडीसाच्या आशीर्वादान आनी मानेस्तांच्या उपस्थितींत व्हड दबाजान आनी उत्साहपूर्ण वातावरणांत संपन्न जालो. कॅम्प हांगाच्या इतिहासिक मेसॉनिक हॉलांत जाल्ल्या ह्या कार्यकर्माची सुरवात 60 दिवे पेटोवन “सुदीनाम सुदीना जंदनाम तव. भावतु मंगलम जंडमनम“ ह्या गीतान आनी आरती ओवाळून जाली. वेगवेगळ्या क्षेत्रांतले मानेस्त, डॉक्टर्स, पत्रकार आनी लुईस बाब रॉड्रीग्स हांचे इश्ट आनी तांचे चाहते हांच्या हाजिरेंत जाली. नामणेची कार्यकर्ती मोनिका डान्टस, मिलाग्रीन लोबो, एलिझा रॉड्रिगीस आनी सुवासिनींनी ह्या गीतान साठ दिव्याची आरती सादर केली.
त्या उपरांत बिशप डॉ. डेरेक फर्नांडीस हाणी मागणें करून आनी आशीर्वाद दिलो. ताणीं आपल्या उलोवपांत लुईस रॉड्रीग्स हांच्या वावराची तोखणाय केली. पत्रकारिते वांगडाच लुईसान सदांच बेळगांव दियोसिजींतल्या क्रिस्तांव समाजा खातीर खूब मोलादिक वावर केला. अडचणीच्या वेळार तो सदांच धांवून येता आनी अधिकारी आनी राजकारणीं हांचेकडेन आशिल्ले ताचे बरें संबंद वापरून तांकां सोडोवपाक तो प्रयत्न करता. ङ्ग कोण म्हणीत मनीस 60 वर्सां उपरांत निवृत्त जाता, पूण संवसरांतल्या कितलेशाच मानेस्तांनी 60 वर्सा हुपल्या उपरांत जिवीतांत व्हड साधना केल्याचे सांगून ताणीं लुईस रॉड्रीग्स हांच्या फुडाराच्या जिविता खातीर बरें मागलें. त्या उपरांत लुईस रॉड्रिगीसान आपल्या फामिली सांगाता वाडदिसाचो केक कातरलो.
ह्या वेळार मिनीन गोन्साल्वीस आनी मनवेल रॉड्रीग्स हांच्या उपस्थितींत लुईस रॉड्रीग्स हांचे जिवीताचेर आधारीत म साठ पानांचो म डायमंड ज्युबिली विशेश अंक मानेस्तांनी उजवाडायलो. ह्या खाशेल्या अंकाचें संपादन करपी मिनिन गोन्साल्वीससा आनी मनवेल रॉड्रीग्स हांचोय ह्या वेळार मानेस्तांनी भोवमान केलो. तसेच अंकाबद्दल तोखणाय केली.
त्या उपरांत माजी आमदार फिरोझ सेट, डॉ. कोरे हाणीं लुईस रॉड्रीग्स हांच्या सामाजिक आनी पत्रकारितेतल्या वावरा खातीर तांची तोखणाय करून बेळगांवच्या सगळ्या समाजांतल्या लोकांक जोडपी व्यक्तिमत्व अशे वर्णन केले. पोलीस उपायुक्त बरमणी हांणी लेगीत खूब सोबीत उत्रांनी लुईस बाब हांचे वर्णन करून तांकां परबीं दिल्यो.
ह्या वेळार केएलई सोसायटीचे सल्लागार अध्यक्ष पद्मश्री डॉ.प्रभाकर कोरे हांकां बिशप फर्नांडीस, बेळगावचे माजी आमदार फिरोज सेट, पुलीस उपायुक्त नारायण बरमणी, नेत्रतज्ञ डॉ तेजस्वी, द हिंदूचो वरिश्ठ उपसंपादक हृषिकेश देसाय, न्यू इंडियन एक्सप्रेसचो वरिश्ठ उपसंपादक नौशाद बीजापूर, बेळगाव पत्रकार संघाचे अध्यक्ष वेिओलास जोशी, टाईम्स ऑफ इंडियाचे वरिश्ठ प्रतिनिधी रविंद्र उप्पार, उजवाडचे संपादकी सल्लागार गिरगोल रॉड्रीग्स, बरोवपी एलेन मार्यान बोर्जीस, साधना हायस्कुलचे संस्थापक जे.बी. बारदेस्कर सर आनी मानेस्तांच्या उप्ास्थितींत डॉ. कोरे हांकां भारत सरकारची पद्मश्री बहाल जाल्या खातीर तांचो भोवमान केलो. साधनाचे संस्थापक जे.बी. बारदेस्कर सर, पुणे कोंकणी क्रिस्थसभेचे माजी अध्यक्ष आनी सामाजिक वावराडी ॲड. इंजि. पीटर डिसोझा, इंजिनियर जे जे बारदेस्कर आनी मानेस्तांची ह्या वेळार भाशणा जाली.
ह्या कार्यावळीक नामनेचे हृदयरोग तज्ञ डॉ. एम.डी. दिक्षीत, डॉ. तेजस्वी, डॉ. राजी तेजस्वी, डॉ. शशिकांत कुलगोड, डॉ. प्रदीप वागराळी, डॉ. बी.एच. मेटगुड, डॉ. सावित्री आनी डॉ. रमेश दोडण्णावर, जॅक्रीस समुहाचे संचालक जॅक्रीस फर्नांडीस, तसेच वेगवेगळ्या क्षेत्रातले मानेस्त आनी पुणे, गडिंगलाज, मुंबय, अजरा, सावंतवाडी आनी बेळगांव वाठारांतले व्हड प्रमाणांत नागरिक, अधिकारी, पत्रकार आनी राजकी व्यक्ती हाजीर आशिल्ले.
तानया रॉड्रीगीस हिणे खूब सोबीत रितीन ह्या कार्यावळीचे सुत्रसंचालन केले. ह्या वेळार उलयताना आपणाक एका ल्हान भुरग्या भाशेन दिसुंक लागला अशे सांगून लुईस रॉड्रिगीसान सांगलें की ह्या वाडदिसाचो आनी अभिनंदन सुवाळ्याक लागून आपूण खूब प्रेरीत जाला. ताका लागून आपल्या फुडाराच्या जिवितांत आनीकय चड सेवा करपाची प्रेरणा मेळ्ळ्या अशें सांगून तांणी आपले उपकार उक्तायले.









News Views: 365








