उजवाड ब्युरो, बेळगाव : ‘ लुईसबाब, म्हटल्यार, एक प्रसन्न मुखमळार उदेल्लो’ प्रसन्न हांसो ‘ जो केन्नाच’ अस्तमतेक ‘ वचना. मुखार ते सांगतात, ‘ कांय मनीस आपल्या’ बुदवंतकायेन’, वो आपल्या ‘ तांकीन’, कांय मनीस आपल्या ‘ गुणानी ‘ आनी कांय मनीस आपल्या सुंदर व्यक्तित्वान ‘हेरांचेर आपलो प्रभाव घालतात. जाल्यार, ‘ लुईसबाबा’ सारखे कांय मनीस, तांच्या स्वताच्या ‘ उपस्थितीनच’ सुवाळ्या भितर ‘ प्रसन्नता पसरायतात ‘.
मानदिक लुईसबाबाच्या 60 व्या जल्मदिसाच्या निमतान, प्रसिद्ध केल्ल्या ‘ उजवाड ‘ नेमळ्याच्या खाशेल्या अंकांत, साबार मळा वयल्या साबार जाणकारांनी, लुईसबाबा विशि आपले उमाळे उगते केल्यात. हांव लुईसबाबाक एक ‘ खडेगाठ ‘ पत्रकार जमतिचो, कोंकणी भाषेचो, म्हालगाडो जाणकार मानता. अश्या ‘ महालगड्या कोंकणी पत्रकार जाणकारा ‘ विशी, भारत देशातले एक ‘ उंचेल्या ‘ दरज्याचे, इंग्लिश दिसाळे, ‘ The Hindu ‘ हाचे ‘ जेष्ठ सहकारी संपादक ‘ ऋषिकेश बहादूर देसाई ‘ हाणी जे उमाळे उगतायल्यात, ( खाशेल्या ‘ उजवाड ‘ अंकांत ते ‘ इंग्लिश ‘ भाषेन्त प्रसिद्ध जाल्यात ) ताचो ‘ कोंकणी ” अणकार, ‘ उजवाड ‘ अंकाच्या ‘ कोंकणी ‘ वाचप्या मुखार दवरतां. घडये, मानदिक देसाई हांचे ‘ लुईसबाबा ‘ विशिचे उमाळे, वाचप्यांक समजूपाक सोपे जातले. देसाईबाब सांगता : ‘ लुईसबाब, म्हटल्यार, एक प्रसन्न मुखमळार उदेल्लो ‘ प्रसन्न हांसो ‘ जो केन्नाच ‘ अस्तमतेक ‘ वचना. मुखार ते सांगतात, ‘ कांय मनीस आपल्या ‘ बुदवंतकायेन’, वो आपल्या ‘ तांकीन ‘, कांय मनीस आपल्या ‘ गुणानी ‘ आनी कांय मनीस आपल्या सुंदर व्यक्तित्वान ‘ हेरांचेर आपलो प्रभाव घालतात. जाल्यार, ‘ लुईसबाबा ‘ सारखे कांय मनीस, तांच्या स्वताच्या ‘ उपस्थितीनच’ सुवाळ्या भितर ‘ प्रसन्नता पसरायतात ‘. देसाईबाब मुखार सांगतात,’ चड करून सगळ्या जाणान्क कॉणाय कडेन आपली जाल्ली पयली भेट याद उरता. तेच प्रमाण म्हाका याद आसा, लुईसबाब आनी म्हजी जाल्ली ती पयली भेट. एका ‘ press meeting ‘ भितर, म्हजो सहकारी पत्रकार ‘ नौशाद बिजापूर ‘ हाणे आमची दोगांयची एका मेकाक वळख करून दिल्ली. तेन्ना म्हजे पुराय नाव आयकतकत तो उगतेपणी मनातल्यान हांसलो, आनी उप्रांत याद काडीत परतो परतो हांस्तालो. रोकडेच आमी ‘ इष्ट ‘ आनी विश्वासू सहकारी जाले. म्हजे भुरगेपण ‘ गोंयात ‘ गेलें, ताका लागून ‘ कोंकणी ” म्हाका संवकळीची. बेळगांवच्या पत्रकारांमदी एक ‘ विनोद ‘ सदांच फामाद आसलो, तो म्हटल्यार,’ कसलीय ‘ press conference ‘ आसुं, एक खात्री आसताली कीं, लुईस जेन्ना त्या ‘ press conference ‘ विशी ‘ story ‘ करतालो तांतून्त ताच्या मनात आशिल्ली ‘ गोंयची नजर ‘ जरूर आसताली. ल्हव – ल्हव म्हाका उमजूक लागलें, लुईसबाब पत्रकारा परसुय अनिक कोण तरी चड आसा. तो एक ‘ मना – काळजातल्यानं ‘ ‘ activist ‘. तो सदांच ‘ कोंकणी समाजा’ खातीर, गोंय खातीर, गोयच्या सैमिक वातावरणा खातीर खूप वावूरता.
तो फकत ‘ त्या ‘ विषयांचेर बरवन, हेर पत्रकारां बशेन वगी रावना, पूण त्या करणाक लागून झगडटाय बी. लुईसबाबा विशी अनिक एक खाशेलेपण म्हटल्यार ताची ‘ साहित्या विषयीची जाणविकाय’. ही ताची जाणविकाय ताका ‘ राष्ट्रीय ‘ पांवड्यार ‘ कोंकणी ची सेवा ‘ करपाक आदार दिंनवक पावली. ताणें ‘ भारत सरकारच्या केंद्रीय साहित्य अकॅडमी ‘ च्या समितीन्त जबासालदारकेचो वावर केला. कांय सर्तीनी ‘ judge ‘ म्हूण जबासालदारकी सांभाळ्या, कांय नव्या बरोवप्यांक मुखार ताणें मुखार हाडल्यात, कांय नवे बरे ‘ अणकार ‘ करपी तयार केल्यात. एका पत्रकाराक सदांच अशे सगळे तरेचो वावर करपाक वेळ आनी श्रम खर्च करप खूप कष्टाचें. अशे कष्ट सदांच घेवपी म्होजो हो इष्ट / सहकारी आयज पीरायेची 60 वर्सा हूंपता, हचो अर्थ असो निखालस न्हय कीं तांची, खडेगाठ वावर करपाची तांक उणी जाल्या म्हूण, हा इतले मात खात्रीन सांगू येता कीं वाढटे पिराये वांगडा ताची ‘ अनिक चड वावर करपाची उमेद ‘ मात जरूर वाढल्या. निमाणे कडेन, देसाईबाब सांगता,’ ‘ chesire cat ‘ नावाचो एक ‘ fictional animal ‘, ‘ Lewis Carrol ‘ ह्या इंग्लिश लेखकान ताच्या ‘ Alice’s Adventure in Wonderland ‘ ह्या पुस्तकांत, वाचप्या मुखार दीवरलां. तांतून्त तें ‘ cat ‘ ताची गरज आसता त्या त्या जाग्यार, त्या त्या वेळार कोणाक सुलूस लागनास्ताना आपशीच पावता. तेच बशेन म्हाका जायते फावट अशें भासता कीं ‘ आमचो हो इष्ट / सहकारी, लुईसबाब, बेळगाव च्या पत्रकार मळावयलो ‘ Cheshire Cat ‘. हांव ताका पत्रकार मळार आनी एक खडेगाठ ‘ activist ‘ म्हणून अनिक जायत्या वरसांची पीराय फावो जांव.
– बरोवपी: रिषिकेश देसाई अणकार: उदय देशप्रभू, पुणे










