उजवाड ब्युरो, बेळगाव: राम सेना प्रमुख प्रमोद मुतालिकान मुस्लीम व्यापाऱ्यांच्या दुकानांचेर हिंदू मंदिरा आनी जात्रानी बंदी घालची तशेच तांच्या दुकानांनी वो रिक्षानी प्रवास करचो न्हय अशा उत्रानी ह्या समाजाचेर आपलो दुस्वास उक्तायला. मुस्लिमांची मानसिकता आता केन्ना बदलणार? असो प्रश्न लेगीत ताणे उप्रासला. मुतालिक ब्रेस्तारा बेळगावात पत्रकार परिषदेत उलयतालो .
जोपर्यंत गो-मांस खावप बंद जाईना तो मरेन मुस्लीम व्यापाऱ्यांचे दुकानांचेर बहिष्कार घालचो अशेंय आव्हान ताणे केला.
मुस्लिमांनी हिजाब प्रकरण निष्कारण वाडयला आनी हायकोर्टाचो लेगीत अपमान केला.
शिवू उप्पार आनी हर्षा ह्या हिंदू तरुणांची हत्या केल्या तशेच गदग हांगाच्या हिंदू बायलेचेर मुस्लिम तरुणानी अमानुष हल्लो केला, अशा ह्या समाजाची दुकाना मंदिरानी घालपाक परवानगी दिवची न्हय , तर तांचेर बहिश्कार अशेय मुतालिकान म्हळे.
कायद्या विरुद्ध मुस्लिमांकडल्यान गोहत्त्या जाता आनी ते गाईचे मास खातात , हे बंद जाईना, तो मरेन तांचे व्यपारांचेर , रिक्षांचेर बहिष्कार घालात अशे आवाहन ताणे केले.
मुस्लीम विद्यार्थी, विद्वान आनी मुस्लिम संघटनांनी न्यायालयाचो आदर केलो ना. हिजाब चेर निर्णय दिवपी न्यायाधिशांक धमकी दिली. फांत्यार ५ वाजता उठून जनतेक मशिदीत लायलेल्या स्पीकर वर्वी त्रास दितात. हो भारत देश आसा, तालिबान वो पाकिस्तान ना. भारतीय संविधानाचो मुस्लिमांनी मान राखूक जाय, अशेय मुतालिकान म्हळे. धमकी दिवन ताणे म्हळे की मुस्लिमांनी धेनात दवरचे की देशातले 80% हिंदू वग्गी रावचे नात..









