उजवाड ब्यूरो, 5 नोव्हेंबर : “गोयचो साईब” ह्या नांवान लोकप्रीय आशिल्ल्या सांत फ्रांसिस शावेराच्या पवित्र कूडीचे दशकीय प्रदर्शन 21 नोव्हेंबर 2024 ते 5 जानेवारी 2025 ह्या काळांत जातले अशे कार्डिनल फिलीप नेरी फेरावान सांगलें.
आदलें प्रदर्शन 2014-15 वर्सा जाललें. संवसारभरांतले लोक आकर्शीत करपी आध्यात्मिक कार्यावळीची घोशणा करपा खातीर कार्डिनल फेरावान एक खाशेलो फरमान जारी केलो.
“दर १० वर्सांनी सेंट फ्रांसिस झेवियराच्या पवित्र अवशेशांचें सोलेमन एक्सपोझिशन करपाची प्रथा ह्या आर्चडायोसीसांत बऱ्याच काळासावन चलत आयालेल्या परमाणे आमी थारायतात की गंभीर प्रदर्शन २०२४ वर्सा, आयतारा, २१ नोव्हेंबर २०२४ सावन सुरू जातले आनी आयतार, 5 जानेवारी 2025 दिसा सोंपता अशें कार्डिनल फेराव हाणी सांगले.
प्रदर्शनाची वेवस्था करपाखातीर सामान्य दादले-बायलो आनी धर्मीक भयणी आनी पाद्री हांचो आस्पाव आशिल्ली खाशेली समिती नेमल्या.
सांत फ्रान्सिस ह्या स्पॅनिश जेजुईत मिशनऱ्याचे अविनाशी अवशेश बोम जेजूच्या बॅसिलिका हांगा चार शेंकड्या पोरन्या रुप्याच्या मास्ट्रिलियन कास्केटांत गुठलायल्ले आसात. 400 किलो वजनाच्या ह्या कास्केटाचें फाटल्या वर्सा व्हड प्रमाणांत जीर्णोध्दार करपाचें काम जाल्लें.








