उजवाड ब्युरो, बेळगांव: ज्ञानवर्धिनी प्रतिष्ठान, खानापूर हांणी चलयल्ल्या इयत्ता10 वी व्याख्यान मालेचो समारोप रावसाहेब वागळे पीयू कॉलेज, लोकमान्य भवन, खानापूर हांगा आयतार ता.18 फेब्रुवारी 2024 दिसा जातलो. फाटलीं 15 वर्सां हीं व्याख्यानां फावंडेशनान धाव्या वर्गांतल्या विद्यार्थ्यां खातीर, खास करून गांवगिऱ्या वाठारांतल्या विद्यार्थ्यां खातीर आयोजीत केल्यात. ह्या निमतान फाटल्या वर्सा धाव्या वर्गांत पयल्या क्रमांकाचेर उत्तीर्ण जाल्ल्या खानापूर तालुक्यांतल्या सगल्या शाळांच्या विद्यार्थ्यांचो भोवमान करतले. तेच प्रमाण फावंडेशनान दिल्लो समाजरत्न पुरस्कार, ज्ञानरत्न पुरस्कार आनी जिनी गौरव पुरस्कार ह्या शिक्षणीक वर्सा निवृत्त जाल्ल्या सगळ्या प्राचार्यांक, सहशिक्षकांक आनी बिगर शिक्षकांकय दितले. तालुक्यांतल्या सगळ्या शाळांचे मुखेली, शाळे कडेन संबंदीत विद्यार्थी-पालक, निवृत्त शिक्षक आनी बिगर शिक्षक कर्मचाऱ्यांनी ह्या कार्यावळीक हाजीर रावंचे अशी विनंती ज्ञानवर्धिनी फावंडेशन खानापूर हाणी केल्या.










