उजवाड ब्युरो, बेळगाव: भावार्त्यांच्या सोयी खातीर दक्षिण अस्तंत रेल्वेन (एसडब्ल्यूआर) तमिळनाडूंतल्या वास्को आनी वेलांकानी हांचे मदीं खाशेली गाडयो चलोवपाचो निर्णय घेतला, जाका लागून वेलांकानी फेस्ता वेळार व्हड संख्येन वचपी भावार्त्यांची सोय जातेली.
ते प्रमाण 07361 क्रमांकाची गाडी 27 ऑगस्ट, 2 सप्टेंबर आनी 6 सप्टेंबराक रातच्या 9:55 वरांचेर वास्को सावन सुटतली आनी तिसऱ्या दिसा सकाळीं 1.30 वरांचेर वेलांकानी पावतली.
परत येवपाचे दिकेन 07362 क्रमांकाची गाडी 29 ऑगस्ट, 4 सप्टेंबर आनी 8 सप्टेंबराक रातच्या 11.55 वरांचेर वेलांकांनीसावन सुटतली आनी तिसऱ्या दिसा सकाळीं 12.15 वरांचेर वास्को पावतली.
वास्को, मडगाव, सांवरडे, कुलेम, कॅसल रॉक, लोंडा, धारवाड, एसएसएस हुब्बल्ली, एसएमएम हावेरी, हरिहार, दवांगेरे, तुमाकुरू, एसएमव्हीटी बेंगळुरू आनी हेर स्टेशनां वयर खाशेल्यो गाडयो थांबटल्यो. हे गाडयेंत 20 डबे आसतले, तातूंत दोन एसी-2 टायर, चार एसी-3 टायर, धा स्लीपर क्लास, दोन जनरल सेकंड क्लास आनी दोन एसएलआर/डी आसतले.
बुकींग आनी हेर म्हायती खातीर प्रवाशांनी www.enquiry.indianrail.gov.in चेर भेट दिवंक शकता वा 139 डायल करूंक शकतात.एसडब्ल्यूआर अधिकाऱ्यांनी प्रवाशांनी ह्या खाशेल्या रेल्वे सेवांचो लाव घेवपाचें आवाहन केलां.









