दैवज्ञ सहकारी बँक नियमित, शहापूर, बेळगावी, आयज भांगरा महोत्सव

दैवज्ञ सहकारी बँक नियमित, शहापूर, बेळगावी, आयज भांगरा महोत्सव

दैवज्ञ सहकारी बँक नियममित, शहापूर, बेळगांवी हांगा आपलो भांगरा महोत्सव मनयता म्हणून आयज एक म्हत्वाचो माईल स्टोन. फाटल्या 50 वर्सांत बँकींग क्षेत्रांतली एक आदर्श सहकारी संस्था जावन विकसीत जाल्ल्या ह्या बँकेन फकत दैवज्ञ समाजात न्हय तर सगळेकडेन मानयताय मेळयल्या. ही जावन आसा आमकां सगळ्यांक अभिमानाची गजाल. 1969 वर्सा एक ल्हानसो उपक्रम म्हणून चार तरणाट्यांनी फकत 75 रुपयांची गुंतवणुक करून सुरू जाल्लो दैवज्ञ साप्ताहिक निधी आयज एक मुखेल वित्तीय संस्था जावन वाडल्या. उण्यांत उण्या भांडवलान सुरू जाल्लो हो ल्हानसो यत्न ल्हवू ल्हवू विस्तारून सगळ्या समाजांक आर्थीक आदार जालो आनी अगणित कुटुंबांचो फुडार घडयलो. 1974 वर्सा हो प्रवास चालूच उरलो आनी ह्या संस्थेक सहकारी पतसंस्था म्हूण मान्यताय मेळ्ळी. 1997 वर्सा संस्थेचे दैवज्ञ सहकारी बँकेंत रुपांतर जाले आनी आर्थीक स्थिरताय आनी उदरगतीचो आधार म्हूण आपली भुमिका प्रस्तापीत केली.
दैवज्ञ सहकारी बँक नियममित दैवज्ञ समाजा भितर एक आगळीच आनी प्रतिश्ठीत अर्थीक संस्था म्हणून खंबीर तायेन उबीं आसा. मान्यताय मेळिल्ली ती पुराय देशांतली एकमेव आर्थिक संस्था म्हूण भारतीय रिझर्व्ह बँकेन मान्यताय दिल्या. .DAIVADNYA SAHAKARA BANK NIYAMIT stands as a unique and prestigious financial institution within the Daivadnya Brahmin Samaj, being the only one in the entire country accredited by the Reserve Bank of India. 2014 वर्सा कर्नाटक सरकार आनी सहकारी खात्यान द बेस्ट को-ऑपरेटिव्ह बँक म्हूण नामांकन जाले अशे तरेन बँकेच्या दैदिप्यमान प्रगतीची सगळेकडेन वळख जाली. धारवाड, उत्तर कन्नड, बेळगांव ह्या जिल्ह्यांनी स शाखा आशिल्ल्या दैवज्ञ सहकारी बँकेन सातत्यान बरीं कामगिरी करून आपली नामना आनीक वाडयल्या. मुखेल कार्यालय आनी दोन शाखां सयत बँकेच्या मालकीच्या इमारतींतल्यान काम करता आनी बँकेची बळिश्ट बुन्याद दाखयता ही व्हड अभिमानाची गजाल. प्रामाणीक वेवस्थापन, समर्पीत कर्मचारी आनी निश्ठावान गिरायक हांचो मेळ आसतना तुळेन थोड्याच काळांत कितें साध्य करूं येता हाचो पुरावो दैवज्ञ सहकारा बँक आसा. फकत 75 रुपयांनी सुरु जाल्लो हो ल्हान उपक्रम म्हणून सुरू जाल्लें ह्या संस्थेची व्हड प्रमाणांत वाड जाल्या, ताका लागून गिरायकांचो विस्वास मेळ्ळा आनी 270.15 कोटी रुपया खेळते भांडवला मेरेन झेप घेतल्या. बेगोबेग अर्थीक मजती खातीर भौसाची आवड आशिल्ली दैवज्ञ सहकारी बँक आयज आपलो भांगरा महोत्सव मनयता, ही ह्या बँजेच्या उल्लेखनीय प्रवासाची गवाय आसा. 2000 वर्सा सावन बँकेन लॉकर, एसएमएस, आरटीजीएस, नेफ्ट, नॅच, एटीएम, ई-कॉमर्स, मोबायल बँकिंग, आयएमपीएस, आनी यूपीआय सयत पुरायपणान संगणकीय सेवा दिल्या, जाका लागून गिरायकांक आधुनीक बँकिंगांत सगळ्यांत बरीं आनी खात्रीशीर सेवा मेळटा. ते भायर बँक 5 लाख रुपया मेरेनच्या ठेवी खातीर रिझर्व्ह बँकेच्या नेमा प्रमाण विशेश सुरक्षा दिता. सभासदांक येशास्विनी भलायकी विमो येवजणेचोय फायदो जाता. प्रोत्साहन दिवपा खातीर शिक्षणीक मळार एसएसएलसी/पीयूसींत 80% परस चड गूण मेळोवपी सभासदांच्या भुरग्यांक प्रोत्साहन दिवन तांचो भोवमान करता.

Related Posts

POPULAR NEWS

EDITOR'S PICK