आजराच्या रोझरी इंग्लीश इस्कोलाक ’मुख्यमंत्री माय स्कूल ब्युटीफुल स्कूल’ सर्तींत पयलें स्थान मेळयलें-

उजवाड ब्युरो, बेळगाव: आजरा जि कोल्हापूर, हांगाच्या  रोझरी इंग्लीश स्कुलाक महाराश्ट्र राज्य पांवड्यावेल्या सर्तींत “मुख्यमंत्री माय स्कूल ब्युटीफुल स्कूल” तालुका स्तराचेर पयले स्थान मेळला. ही सर्त महाराष्ट्र सरकारा वतीन इस्कोलांची स्वच्छताय, पर्यावरणीय जाणवाय, सौंदर्यिकरणा संदर्र्भांत लोक जागृताय, दर्जेदार उदरगत, गुणवत्ता विकास, राज्य आनी राष्ट्रीय शिश्यवृत्ती आनी आंतरशाळा कार्यावळी सर्ती ह्यावोरवीं इस्कोलान यशस्वी कामगिरी केल्या.  अशे तरेन ह्या इस्कोलाक 3 लाख रुपयांचे रोख बक्षीस, मानपत्र आनी स्मृतिचिन्न फावो जातले.  आता हे इस्कोल जिल्लो पांवड्यावेल्या मुल्यांकनाक आनी सर्तीखातीर पात्र जाला.

इस्कोलाचे हेडमास्टर मनवेल सालू बर्देस्कर हांच्या फुडारपणाखाल आनी प्राचार्य फादर अँथनी डिसोझा हांच्या प्रेरणेखाला आनी पर्यवेक्षक विजय केसरकर, तेच भाशेन मुख्यमंत्री- माझी शाळा- सुंदर शाळा अभियानाच्यो सदस्य शैलजा कांबळे, लक्ष्मी पाटील, स्टीफन डिसोझा, आशिश फर्नांडीस आनी फादर मेलवीन पायस हांच्या प्रोत्साहना वोरवी इस्कोलान हे यश मेळयलां तशेंच ह्या यशांनी सगल्या शिक्षकांची, बिगर शिक्षक कर्मचारी, विद्यार्थी, पालकांची म्हत्वाची भुमिका आसा.

तालुक्याच्या पांवड्यार मेळिल्ल्या प्रचंड यशा खातीर हे शाळेची सगळेकडेन तोखणाय जाता.  हे सर्ती खातीर प्रेरणा गट शिक्षण अधिकारी  बासवराज गुरव, शिक्षण विस्तार अधिकारी  विलास पाटील, सुमित चंद्रमणि आनी आजरा केंद्रप्रमुख आनंदा कुंभार, आनी तज्ञ शिक्षक आनंदा भादवणकर, आनी मायकल फर्नांडीस हांचे मोलादिक मार्गदर्शन मेळ्ळे.

(अतिश मिनेझीस हांचेकडल्यान)

Related Posts

POPULAR NEWS

EDITOR'S PICK