उजवाड ब्यूरो, गडहिंग्लज: मुळावे पिंपळगांव, ता भुदरगड आनी वेंगुर्ला, जिल्हो सिंधुदूर्ग हांगा प्राथमिक आनी माध्यमिक शिक्षण केलेल्या सिमान झेवियर हांका नर्सिंग मदली डॉक्टरेट बहाल जाल्या.
” म्हज्या Viva (व्हायवा) खातीर 14 तारखेक महाराष्ट्र युनिव्हर्सिटी ऑफ हेल्थ सायन्सीस, नाशिकांत यशस्वीपणान हावे परीक्षका मुखार सादरीकरण केले. परिक्षक जयपूर, मुंबय आनी पुण्यांतले आशिल्ले. Phd in Nursing, Topic : Effect of Exercise Rehabilitation Program (Guided Self Mastery) on Smartphone Addiction among young adults. (तरणाट्या प्रौढां मदल्या स्मार्टफोन व्यसनाचेर व्यायाम पुनर्वसन कार्यावळीचो (गाइडेड सेल्फ मास्टरी) परिणाम) हाचेर हो अभ्यास आशिल्लो.
सिमानची आता पर्यंतची शैक्षणिक वाटचाल अशीं: 1. नर्सिंगांत पीएचडी, महाराष्ट्र युनिव्हर्सिटी ऑफ हेल्थ सायन्सेस, 2024,
- मास्टर्स इन नर्सिंग इन कम्युनिटी हेल्थ नर्सिंग, एसएनडीटी बायलांचें युनिव्हर्सिटी 2008,
- पोस्ट बेसिक नर्सिंग, महाराष्ट्र युनिव्हर्सिटी ऑफ हेल्थ सायन्सेस, 2002
- जनरल नर्सिंग & मिडवाइफरी डिप्लोमा कोर्स 1996, मुंबय हॉस्पिटल, मुंबय.
सिमान सद्या पी.डी. हिंदुजा ऑफ नर्सींग, मुंबय हांगा नर्सींग विभागाची प्राध्यापिका म्हूण वावर करता. ती सर्गेस्त शाहू फर्नांडीस( वेंगुर्लेकर सर) आनी वेरोनिका फर्नांडीस हांची धूव. तिच्या ह्या यशा बद्दल तिचे सगळेकडेन अभिनंदन जाता.









