पुण्यातल्या युनिव्हर्सिटीकडेन सायन केल्ल्या 99 वर्सां खातीर लीज करपाक खर विरोध
उजवाड ब्यूरो: कालच्या आयतारा तिवी कोमुनिदादच्या असामान्य सर्वसादारण सभासद बसकेंत तणाव निर्माण जालो, कारण पुण्यांतल्या महाराष्ट्र अकादेमी ऑफ इंजिनियरिंग अँड एज्युकेशनल रिसर्च (एमएईईआर) कडेन केल्ल्या वादग्रस्त 99 वर्सां खातीर जमनीच्या भाडें कराराक खर विरोध केलो.
खाजगी विद्यापीठ स्थापन करपा खातीर 2 लाख चौखण मिटर कोमुनिदादी जमीन दिवपाच्या भाडें करारांत पारदर्शकता नाशिल्ल्याचो आनी वेवस्थापकीय समिती कडल्यान प्रक्रियात्मक चूक जाल्ल्याचो आरोप हजर गावकारांनी केला. तिविच्या लिव्हरमेंट हॉलांत जाल्ले हे बसकेंत वांगड्यांनी ह्या कराराचेर कमिटी सदस्यांनी स्पष्टीकरण दिवपाची मागणी केल्ल्यान खर वादावाद जालो.
कोमु निदादेचो कोषाध्यक्ष जोसेलीन परेरा हाणी सभासदांची समजूत काडपाचो प्रयत्न केलो, स्पश्टीकरणां दिवपाक प्रयत्न केलो पुण हजर आशिल्ले सभासद निराश जाले आनी तांचे मदे संशयाचे वातावरण पसरले.
पारदर्शकतायेचे प्रस्न भोवसंख्य वांगड्यांक कुशीक काडून समिती कडेन जुळपी लोकांच्या आदारान कबलात फुडें व्हरपाचो आरोप वेवस्थापन समितीन केला.
“आमी युनिव्हर्सिटी डीला विशीं वेवस्थापकीय समिती कडेन प्रस्न विचारले तेन्ना तांणी सांगलें की 2018 वर्सा सावन चर्चा चालू आसा. तें खरें आसलें तरी आमच्यांतल्या चडशांक काळखांत दवरले,” अशें गावकार असुम्पशन डिसोझा हांणी सांगलें.
“कम्युनि दाद जमीन आमची, आनी ताचे विशीं खंयचोय निर्णय आमच्या कडेन आनी आमका विश्वासात घेवन करचो पडटलो.” अशे हजर गावकारांनी ठणकावून सांगले. वेव्हारात पारदर्शकतायेचो उणाव आसा जो मान्य ना.”
गावकार अँथनी परेरा, हाणें म्हणले की 25 फेब्रुवारी 2024 दिसा थाराव पास जाल्लो बसकेंत तो हाजीर आसतना विद्यापिठा संबंदी विशिश्ट तपशीलांची ताका खबर नाशिल्ली. म्हज्या संमती बगर थारावाचेर स्वाक्षरी करपी म्हूण म्हजें नांव जोडलां अशें सांगून तानी असंतोश उक्तायलो. जमनीच्या वापरा विशीं हुस्को तशेंच जायत्या गावकारांनी कोमुनिदादीच्या जमनीचो गैरवापर जावंक शकता अशी भिरांत उक्तायली.
“आमच्या पूर्वजांनी ही जमीन फुडल्या पिळग्यां खातीर सांबाळ्ळी. योग्य नियोजन आनी सल्लामसलत करिनासतना डील केल्यार आमच्या दायजाक धोको निर्माण जाता” अशें गॉडफ्रे डी लिमान सांगलें. तशेंच ह्या जमनी विशीं “अलौकिक” दावे केल्ल्यान आनी आपणाचेर निराधार आरोप केल्ल्यान खजिनदाराचेर डी’लिमान टिका केली.
कोषाध्यक्षाची सारवासारव, खजिनदार जोसेलीन पेरेरा हांणी ह्या कराराचे समर्थन केले आनी गरजेच्यो सगळ्यो प्रक्रिया पाळ्ळ्यात असो दावो केलो. पूण ताच्या स्पश्टीकरणांक लागून गावकारांचे समाधान जाले ना. आमी सगळ्या प्रोटोकॉलांक पाळो दिलो आनी ह्या कराराक लागून समाजाक आणि गावकारांक फायदो जातलो असो दावो परेरा हांणी केलो. पुण हजर आशिल्ल्या गावकारांक तांचे म्हणणे मान्य जाले ना हे प्रकरण आता अधिक चिघळतेले अशी चिन्हा आसात.
Courtesy: The Goan









