तिवीं कम्युनिदादीन 2 लाख स्क्वे.मी. जमीन कवडीमोल भावान लीजचेर दिल्याविरुद्ध असंतोशाची लाट

उजवाड ब्युरो, बेळगाव : थिवी कमुनिदाचीची जमीन कवडी मोलान पुण्यातल्या एका खासगी विद्यापिठाक दिवपाच्या षडयंत्राच्या वोरोधात आता सबंद गोंय आनी चडकरून तिवी गांवचे सगळे नागरिक एकठाय आयल्यात. ह्या षडयंत्रांत जसो तिवी कम्युनिदाद मॅनेजींग कमेटीचो हात आसा तसोच हात पुण्यांत आनी खानापुर तालुक्यांत रावपी कांय गावकारांचो हात आसल्याची म्हायती मेळ्ळ्या.

ह्या षडयंत्राच्या विरुद्ध सगळेकडेन असंतोशाची लाट उसळ्ळ्या. ताचे विरुद्ध आवाज उठोवंक  कालच्या आयतारा (1 डिसेंबर) तिवीच्या  रहिवाशांनी एकठांय येवन आपल्या मायभूंयच्या पाचव्या दोंगराळ वाठारांनी भरिल्ल्या भुमींत जावपी वादग्रस्त विद्यापीठ प्रकल्पाचो निशेध केलो. घोशणां करून आनी निर्धारान भरिल्ली व्हड गर्दी जमली आनी तांणी आपल्या पर्यावरण, दायज आनी समाज कल्याणाचेर हल्लो करपी सदस्यांचो निशेध केलो, आनी जे 99 वर्साचे लीज केला ते रोखडेच रद्द करपाची मागणी केली.
ह्या षडयंत्राक गोंय सरकारचो लेगीत तेंको आसल्याचो आरोप मोर्चेकारांनी केलो. आदले आमदार किरण कांदोलकार हांणी ह्या मोर्चाचे फुडारपण केलें.
“ही उदरगत न्हय; it’s devastation,”
प्रगतीच्या आडनांवान राज्यान गोंयची सैमीक संपत्ती विकून उडयल्या असो आरोप कांदोळकारान केला.
“पयलीं तांणी आमचीं दर्यादेगांचो नाश केलो. मागीर, तांणी आमच्यो न्हंयो विकल्यो. आतां, ते आमचीं दोंगुल्ल्यो नश्ट करपाक सोदतात. हें विद्यापीठ फकत तांच्या खऱ्या हेतुखातीर आसा की वेवसायीक शोशणा खातीर ह्को प्रस्न पडला.  फाल्यां हांगा लक्झरी हॉटेल जालें जाल्यार अजाप जावचें न्हय अशें तांणी सांगलें.
निदर्शकांचो राग फकत सरकारा मेरेन मर्यादीत नाशिल्लो. पुण्यांतल्या महाराष्ट्र अकादेमी ऑफ इंजिनियरिंग अँड एज्युकेशनल रिसर्च (एमएईईआर) कडेन 2 लाख चौखण मिटर जमनीचें वादग्रस्त 99 वर्सां खातीर भाडें दिवपाक मान्यताय दिवपाच्या भुमिके खातीर तिवीं कोमुनिदादीचे वेवस्थापन समितीचेरूय टिका जाली.
थळाव्या लोकां कडेन योग्य सल्लो घेवप बायपास करून गुप्तपणान भाडें करार केल्ल्याचो आरोप आंदोलक कारांनी केला. समितीन आपलें दायज थोड्याच अर्थात कवडी मोलान विकून  तांचे हे षडयंत्र उगटे करपी गांवकारांचो आवाज बंद करपा खातीर डिफेमेशन नोटीस धाडल्याचो लेगीत गावकारांनी निशेध केलो.

काँग्रेस ब्लॉक अध्यक्ष हेमंत कांबळी हाणीं लोकांच्या आवाजा कडेन दुर्लक्ष केल्ल्यान सरकाराचेर खर टिका केली. तांकां दिसता आमकां भियेवंक शकतात, पूण तांणी फकत आमचो संकल्प आनींक मजबूत केला. आता आमी फाटी सरचे नांत अशे मत सगळ्या गावकारांनी उक्तायले.

खानापूर तालुक्यांतल्या तिवी गावकारांक आवाहन : उठ गांवकारा जागो झा – आगोस्तीन परेरा

खानापूर तालुक्यांतल्या तिवी गावकारांनी हाचे विरुद्ध आवाज उठयलो. पूण तिवी कम्युनिदादीच्या सद्याच्या कमेटीन तांचे मदें फूट पाडपाचे प्रयत्न सुरु केल्यात, अशे आगोस्तीन परेरा हाणीं सांगले. फकत ल्हान सान अमीषांक कोणी बळी पडचे न्हय, कित्याक लागी लागी 50 एकर जमीन कवडीमोल भावान 99 वर्सांच्या विनाअट लीज ॲग्रीमेंट मदें खूब काळेबेरे आसा. म्हणून सगळ्या खानापूर तालुक्यांतल्या तिवी गांवकारांनी एकठाय येवन ह्या षडयंत्रा विरुद्ध आवाज उठोवपी गोंयकारांक साथ दिवची आनी फुडल्या वेंचणुकींत तिवी कम्य्हुनिदादींत परिवर्तन घडोवन हाडचे अशें आवाहन आगोस्तीन बाब हाणीं केला. म्हज्या मोगाच्या गांवकारांनो उठात, जागे जायात आनी आपल्या कम्युनिदादीच्या जमीनीच्या संरक्षणा खातीर एकटाय जायात अशे आवाहन लेगीत परेरा हाणीं केला.

गोंय सरकारचेर आरोप

गॉडफ्रे डी’लिमा आनी कार्यकर्तो पोल्गी हांणी सरकाराचेर उक्तेपणान भ्रश्टाचार आनी गोंयचे अस्मितायेचो निर्दयपणान आडनदर केल्ल्याचो आरोप केलो. “This isn’t governance-Its brokerage,” पोल्गीन जाहीर केलें. “ते आमचीं न्हंयो, आमचीं दोंगुल्ल्यो, आमची शेती सोंपयतात. हो प्रकल्प फकत गोंयच्या फुडाराच्या आड येवपी  आनी गोंयच्या सोबीत भुंयेचो आनी दायजाचो नाश करपी प्रकल्प आसल्याचे आरोप तिवींकारांनी केल्यात.

(Courtesy : The Goan)

Related Posts

POPULAR NEWS

EDITOR'S PICK