उजवाड ब्युरो, बेळगाव: इ. उजवाडच्या 27व्या नताल विशेशंकाचो प्रकाशन सुवाळो सोमार ता.23 डिसेंबर दिसा संतिबस्तवाड हांगाच्या अनमोल तंगुधाम अनाथाश्रमात व्हडा उर्बेन जालो.
सिस्टर एल्फीना रॉड्रिग्स हांणी सगळ्यांक येवकार दिलो. ह्यावेळार संतिबस्तवाड इगर्जीचे पॅरिश प्रिश्ट फासर इजिबियो फर्नांडिस, संपादक लुईस रॉड्रिग्स, मिनीन गोन्साल्वीस, अँथनी डायस, अर्नेस्ट रॉड्रिग्स, अनमोल तंगुधाम आश्रमाचो सगळो स्टाफ आनी भुरगीं हाजीर आसली.
आश्रमाच्या भुरग्यांनी सोबित नताल गिता सादर केली. तशेंच जेजू बाळकाच्या जल्मावयर आदारित सोबित नाटकुले सादर केले.
फादर इजिबियो हांणी प्रार्थना केल्याउपरांत आश्रमाच्या भुरग्यांच्या हस्तुकी इ.उजवाड नताल विशेशंकाचे प्रकाशन जाले. ह्यावेळार लुईस रॉड्रिग्स हांणी सोबित कार्यावळीखातीर भुरग्यांचे अभिनंदन केले आनी नतालाचो संदेश दिलो. प्रविण गोन्साल्वीस हांणी सूत्रसंचलन केले. सिस्टर नताल हांणी उपकार आटयले.










