उजवाड ब्युरो, कोल्हापूर : मुळावे हरळी (गडहिंग्लज) आनी पुण्या रावपी स्टेल्ल्ा आनी एलियास बारदेस्कर (गोवेस) हांची धुव एल्विना बारदेस्कर (गोवेस) हिच्या फुडाराखाल कोल्हापूरांत अखिल भारतीय वर्डप्रेस कॉन्फरन्सचेर दोन दिसांची कॉन्फरन्स संपन्न जाली. वर्डप्रेस आनी वेब डिझाईनींगचो वापर करपी कंपनींनी आयोजित केल्ल्या पुणे विभागीय कॉन्फरन्सांत एल्विना बारदेस्कर हिच्या मार्गदर्शनाखाल 2 दिसांची कॉन्फरन्स कोल्हापूराच्या डी.वाय पाटील स्कूल ऑफ इंजिनियरींग ॲण्ड मॅनेजमेंट हांगा 11 आनी 12 जानेवारी दिसा संपन्न जाली. ह्या परिशदेंत देशांतल्या वेगवेगळ्या राज्यांतल्यान 275 जाणांनी वांटो घेतलो. हातूंत विद्यार्थी, उद्योजक आनी प्राध्यापक आनी विद्वान हांचो आस्पाव आसलो. वर्ड प्रेस हे वेब्साईट्स निर्माण करूंक वापरपी सॉफ़्टवेअर आसा. जगांतले 43% वेब्साईट्स हे सोफ़्टवेअर वापरतात.
11 तारकेर जाल्ल्या कार्यावळींत कोल्हापूरचो इतिहास आनी तांचे फाटल्यो घडणुकींचेर जुनो राजवाडो ते दसरा चौक दरम्यान हिस्टरी वॉक करुन अभ्यास केलो. ते दिसा विद्यार्थ्यांखातीर विशेश वर्कशॉप आयोजीत केल्ले. तेच भाशेन वर्डप्रेस हे एक उगटे सॉफ्टवेअर आसा, जयसर तज्ञ आपले योगदान दितात. ह्या पासोत योगदान दिवप्यांचो दीस लेगीत मनयलो.
दुसरे दिसा 20 वयर अधिक तज्ञांनी एआय, मार्केटींग, डिझायन, कन्टेंट अशा तांत्रिक विशयांचेर परिसांवाद जाले. ह्या वेळार विद्यार्थ्यांक व्हडल्या व्हडल्या कंपनींच्या उच्चाधिकार्यांक तशेंच वेगवेगळ्या कंपनींच्या उच्चाधिकारयांक एकमेकाक मेळून संवाद साधपाची संद मेळ्ळी.
वर्डप्रेसांतलीं करिअरां” ह्या विशयाचेर आकर्शक पॅनल चर्चा करून कार्यावळ सोंपली.
वर्डप्रेस उद्देगांतल्या विद्यार्थ्यांक आनी वेवसायिकांक मेळपी संद उजवाडावप.
पॅनेलिस्ट मेहेर बाला, वी गौतम नवादा, तरुण पारस्वानी, आनी हर्षवर्धन खोलापुरकार हाणीं तातुंत वांटो घेतलो. एल्वीना बारदेस्कर हिणे ह्या परिसंवादाचे लेगीत संयोजन केले. ह्या परिशदेची सांगता वर्डप्रेस सॉफ्टवेअराभितर करियरची संद हाचेर परिसंवाद आनी मार्गदर्शनान जाली.
मकरंद माने, डॉ.जयदीप पाटील,प्रताप पाटील, एल्विना गोवेस (बारदेस्कर), निलेश शिरागावे, प्रशांत पाटील, राजेंद्र घोरपाडे,सायली मोकाशी, आनी सुहानी इंगळे, ह्या सगळ्यांनी कोल्हापूरांत वर्डप्रेसाची वळख करून दिवपाची वचनबद्धताय घेतली.
बेंगळुरू, पुणे, मुंबय, कोलकाता, दिल्ली, गुजरात, कानपूर आनी देशांतल्यान जायते तज्ञ ह्यावेळार उपस्थीत आसले.










