आयज कोंकणी पत्रकारीता दिसा निमतान उजवाड संपादक लुईस रॉड्रीग्स आनी वांगड्यांक परबीं

उजवाड ब्युरो, बेळगाव: आयज कोंकणी पत्रकारीता दीस, ‘उदेंतेचें साळक’ हें पयलें कोंकणी नेमाळें 2 फेब्रुवारी 1889 दिसा स. एदुआर्द जुझे ब्रुनो डिसोझा हांणी पुण्यांत उजवाडाक हाडलें. हो दीस कोंकणी पत्रकारीता दीस म्हूण मनयतात. ह्या निमतान आयज गोंय आनी हेर कोंकणी उलोवपी वाठारांत विविध कार्यावळींचे येवजन केला. फाटल्या 27 वर्सांथावन घाटमाथ्यावयले मुखपत्र आशिल्ल्या उजवाड नेमाळें पर्जळीत जावंदी म्हून मागता आसतना सुरवे थावन आपल्या खांद्यार उजवाडाची धुरा घेवन तो यशस्वी रितीन चलोवपी लुईसबाब आनी ताका खंबीरपणान साथ दिवपी उपसंपादक मिनीनबाब गोन्साल्वीस हांकां धिनवास !
बेळगांव आनी घाटमाथ्यावयल्या कोंकणी भाशीकांक अभिमानाची गजाल म्हळ्यार, 1998 वर्सा आवयभास कोंकणींत ” उजवाड” हे म्हयनाळे त्या काळांतलो उर्बेवंत आनी पत्रकारिता वाटारांत वावर करपी तरणाटो लुईस रॉड्रीग्स आनी वांगड्यांनी बेळगांव थावन सुरू केले. विशेश म्हळ्यार खूब संघर्शपूर्ण आनी आव्हानात्मक परिस्थितींत लेगीत नेटान सुरु आसा. आयज ह्या म्हयनाळ्यान दोन वर्सां आदी 25 वर्सां पुराय केल्या आनी ताची घोडदौड सुरूच आसा. खंयचेय कार्य आरंभ करप सोपें पूण तें थिगोवन दवरप अवघड आनी आव्हानात्मक आसता. तेच भाशेन एकाद्रे नेमाळें निरंतर चलोवप हे काम तर खूबच अवघड आसता.
आयज बेळगांव, संपूर्ण घाटमाथो, सिंधुदुर्ग, मुंबय, गोंय आनी हेर वाठारांत कोंकणी मोग्यांच्या घरा घरांत हे नेमाळे पावता. हाका लागून कोंकणी भाशिकांक एक व्यासपीठ तर मेळलाच आनी एकवोट लेगीत घडोवन आयला, म्हळ्यार आतिताय जावंची ना.
आजच्या कोंकणी पत्रकार दिसानिमतान उजवाड संपादक, उपसंपादक, संपादकीय मंडळाचे वांगडी, प्रतिनिधी, वावराडी, वाचपी, जायरातदार ह्या सगळ्यांक परबीं आनी अभिनंदन !
– गौरीश वेर्णेकार
लेखक, कवी कोंकणी कार्यकर्तो

Related Posts

POPULAR NEWS

EDITOR'S PICK