
उजवाड ब्युरो, बेळगांवः बेळगांवच्या के. एल. एस. गोगटे इन्स्टिट्यूट ऑफ टेक्नॉलॉजीच्या आदल्या विद्यर्थ्यांचो मेळावो 8 फेब्रुवारी 2025 दिसा पुण्यांतल्या पी.आय. वाय. सी. हिंदू जिमखाना हांगा जालो. हे खातीर संस्थेच्या शंबरां परस चड आदल्या विद्यार्थ्यांनी एकठांय येवन फक्त आपल्या यशाचीच न्हय जाल्यार संस्थे कडेन आशिल्ल्या लागींच्या संबंदाचीय परब मनयली.
संस्थेच्या वेवस्थापन मंडळाचे अध्यक्ष राजेंद्र बेळगांवकार हांच्या काळजाक भिडपी भाशणान कार्यावळीची सुरवात जाली. संस्थेचे यश आनी उदरगतींत आदल्या विद्यार्थ्यांच्या योगदानाचें त्रस्रय तांणी दिलें प्राचार्य डॉ. एम. एस. पाटील हांणी शिक्षणीक दर्जा खातीर आनी तंत्रीक उत्कृश्टताये खातीर संस्थेच्या वचनबद्धतेचो नियाळ घेतलो आनी तेच बरोबर सध्याच्या
घडामोडींचेर आनी मार्गदर्शक तत्वांचेर भर दिलो.
देशपांडे हांणी वांटो घेतिल्लो.
कर्नाटक कायदो सोसायटीचे उपाध्यक्ष डी. व्ही. कुलकर्णी हांणी विद्यार्थ्यांक संबोधीत करून संस्था आनी तिच्या पूर्ववर्ती विद्यार्थ्यां मदीं घट संबंद दवरपाचें म्हत्व सांगलें. ह्या संदर्भार “तंत्रीक उत्क्रांती भूतकाळ आनी आयज” ह्या विशयाचेर परिसंवाद जालो. हातूंत आदले विद्यार्थी संजय बापट, केदार लुकतुके, निकेत करजगी, प्रवीण मोरे आनी दीपा
प्रा. सतीश हुक्केरी हांणी आयोजीत केल्या ह्या परिसंवादांत फाटल्या जायत्या दसकांत जाल्ल्या तंत्रीक उदरगतीचो नियाळ घेतलो, आनी विद्यर्थ्यांनी नामनेच्या व्यक्तींच्या वेवसायीक जिवितांतल्यान प्रेरणा घेतली. अनुपमा अवटी हांणी उपकार मानून कार्यावळ सोंपली. ह्या प्रसंगाचेर आदले विद्यर्थी आनी संस्थे मदलें घट नातें दिसून आयलें आनी पोरणे यादींक उजाळो मेळ्ळ्ळो.








