कोंकणी सुपूत अनीश पै हाचे राश्ट्रीय जलतरण सर्तींत यश

उजवाड ब्युरो, बेळगाव: हालींच जाल्ले संक रॉक टू गेटवे ऑफ इंडिया ह्या राश्ट्रीय पावंड्यावेल्या दर्यांतले जलतरण सर्तींत बेळगावचो होतकरु तरणाटो अनीश पै हाणें दुसरो क्रमांक मेळयला. ही सर्त महाराष्ट्र राज्य हौशी जलतरण संघटणेन आयोजीत केल्ली. 16 फेब्रुवारीक मुंबय शारांत राष्ट्रीय पांवड्यावेली सर्त जाल्ली आनी अनीशान पांच किमी सर्तींत हे जैत मेळयले. फकत एक सेकंदाच्या फरकान ताचो पयलो क्रमांक चुकलो. ही सर्त 61वी आवृत्ती आशिल्ली. अनीशान फाटल्या वर्सा 60वे आवृत्तींत पयलो क्रमांक मेळयल्लो.

बेळगावचो आनीक एक खेळगडो स्कंद घाटगे (9) हो वेगळ्याच सक्षम विद्यार्थीच्या कॅटेगरींत आपल्या पिरायेच्या गटांत दुसरो क्रमांक मेळयला. ताणे 1 किमी अंतर पार केले. स्कंद हो हांगाच्या समिती इंग्लीश माध्यम शाळेचो चवथ्या वर्गाचो विद्यार्थी. हॉटेल रामदेव लागसार ट्रॅव्हल एजन्सी चलोवपी राहुल घाटगे हाचो तो पूत.

अनीश हो केएलई आंतरराष्ट्रीय शाळेचो 9 व्या वर्गाचो विद्यार्थी आनी वेगवेगळ्या पांवड्यार जायतीं इनामां जिखपी एक पटीचो पेवपी( स्विमर) आसा. तो नामनेचो हॉटेलकार आनी बेलागावी हॉटेल मालक संघटनेचो अध्यक्ष अजय बाळकृष्ण पै हांचो पूत तर सर्गेस्त विश्र्वनाथ पै हांचो पणतु आसा. . ह्या पुरस्कारांत इनामाचे दुडू, प्रशस्तीपत्र आनी पदक अशे ह्या सर्तीच्या इनामाचे स्वरूप आसा.

“राष्ट्रभरांतल्यान येवपी सगळ्या वर्गांतल्या 500 अधिक भाग घेवप्यां मदीं अनीश आनी स्कंद हांणी आपल्या तांच्या पिरायेच्या गटांत आनी त्या त्या वर्गांत वांटो घेतलो. बेलागावी, हैदराबाद, तेलंगणा, महाराष्ट्र, मुंबय आनी हेर राज्यांनी सहभागी लोकांनी जयजयकार केलो. ही एक दीस सर्त आशिल्ली, जंय पोतपी लोकांक दर्याच्या खर परिस्थितींत 5 किमी. पांच किमी.

आपल्या आदर्श कामगिरीक लागून ताणे समेस्त कोंकणी मोग्यांक आनी बेळगावकारांक अभिमानीत केला. अनीश आनी स्कंद आतां फुडल्या म्हयन्या सावन भारतीय जलतरण महासंघान वर्सभर घडोवन हाडिल्ल्या उक्त्या उदकांतल्या जलतरण सर्तींनी वांटो घेतले. दोगांकय नामणेचे स्विमिंग प्रशिक्षक उमेश कलघाटगी हाच्या फुडारपणा खाला प्रशिक्षण मेळटा.

मेडेल आनी सर्टीफिकेट स्वीकारताना अनीश पै

…………….. समाप्ती

फोटो: गेटवे ऑफ इंडिया हांगा वरिश्ठ अधिकाऱ्यां कडल्यान रोख इनाम, पदक आनी प्रमाणपत्र घेवन अनीश पाई आनी स्कंद घाटगे

Related Posts

POPULAR NEWS

EDITOR'S PICK