न्यायालयाच्या आदेशा प्रमाण ‘लाला की बस्ती’चेर जातली कार्यवाही : मंत्री हळर्णकार

उजवाड ब्युरो, पणजी : खूब वरसा आदी थावन थिवी कम्युनिदादीच्या शेकडो स्क्वेअर मीटर जमिनीचेर लाला नावाच्या गोया भायल्या व्यक्तीन अतिक्रमण केला.

रमझान आसूं वा रामनम न्यायालयाच्या आदेशा प्रमाण ‘लाला की बस्ती’ मोडपाच्या आदेशाची कार्यवाही जातलीच. कोमुनिदाद प्रशासक गरजेच्या यंत्रणांचे मजतीन ही बस्ती मोडपाची कारवाय करतले, अशें नुस्तेंमारी मंत्री नीळकंठ हळर्णकार हांणी स्पश्ट केलें.

ही बस्ती मोडपाचो आदेश २०१० वर्साच दिल्लो. ह्या आदेशाक सर्वोच्च न्यायालयांत आव्हान दिलें. सर्वोच्च न्यायालयानूय आव्हान याचिका भायर मारिल्ल्यान आतां कारवाय करचीच पडटली. हो विशय १५ वर्सां सावन आडकून आसा. थिवी कोमुनिदादीनूच लाला की बस्ती मोडपा खातीर पयल्या न्यायालयांत याचिका दाखल केल्ली. आतां आदेशाची कार्यवाय कोमुनिदाद प्रशासकाक करची पडटली. पुलीस, भौशीक बांदकाम खातें तशेंच हेर संबंदीत यंत्रणांक कळोवन आदेशाची कार्यवाय जातली, अशें नुस्तेंमार मंत्री नीळकंठ हळर्णकार हांणी सांगलें.
लाला की बस्ती ही नुस्तेंमारी मंत्री हळर्णकार हांच्या थिवी मतदारसंघांत येता. थिवी कोमुनिदादचे जमनींत ३४३/ १४ आनी ३४३/ १२ हे सर्व्हेंतलीं बेकायदो बांदकामां ११ मार्च उपरांत केन्नाय मोडटले, अशी नोटीस फाटल्या म्हयन्यांत बस्तींतल्या २५ घरांक दिल्ली.

Related Posts

POPULAR NEWS

EDITOR'S PICK