बेळगावांत कर्नाटक सरकारच्या क्रिस्तावां खातीर येवजणांची म्हायती दिवपी भव्य मेळावो

उजवाड ब्युरो, बेळगाव: बेळगाव हांगा आयतारा, १६ नोव्हेंबर दिसा बेळगाव जिल्ह्यांतल्या क्रिस्तावां खातीर एका सरकारी  येवजणांची जाणविकाय दिवपी कार्यावळीचे येवजण केल्ले. जिल्ह्याच्या वेगवेगळ्या वाठारांतल्यान व्हड प्रमाणांत क्रिस्तांव भाव- भयणी आयतारा सांजवेळा हांगाच्या सेंट झेवियर हायस्कुल हॉलांत एकटाय जाल्ले. कर्नाटक सरकारान जाहीर केल्ल्या अनुदान, सबसिडी, रिणाची येवजण आनी शिश्यवृत्ती हांचे विशीं जागृताय कार्यावळींत तांणी वांटो घेतलो.

जिल्लो अल्पसंख्यांक प्राधिकरण आनी कर्नाटक अल्पसंख्यांक विकास म्हामंडळान संयुक्तपणान आयोजीत केल्ल्या ह्या कार्यावळींत कर्नाटक क्रिस्तांव समाज विकास महामंडळान (केसीसीडीसी) सुरू केल्ल्या वेगवेगळ्या संप्रदायांतल्या सुमार ५०० क्रिस्तांव भावांक, पाद्री आनी पाद्रींक कळ्ळें. ह्या निमतान ह्या येवजण्यांचे पोस्टरूय उक्ते जाले.

ह्या कार्यक्रमाची म्हायती दितना कर्नाटक सरकार नियुक्त जिल्हा अल्पसंख्यांक समितीचो वांगडी आनी वरिश्ठ पत्रकार लुईस रॉड्रिग्स हांणी ह्या कार्यावळीचें थोडें वर्णन केलें. ताणें क्रिस्तांव भावांक सरकारी येवजण्यो आनी शिश्यवृत्तीचो फायदो घेवचो अशें आवाहन केलें.

ह्या वेळार उलयतना Karnataka Christian Community Development Corporation Ltd (केसीसीडीसीचे) संचालक प्रशांत जथन्ना  हाणीं वेगवेगळ्या येवजण्यां विशीं म्हायती दिली. राज्यांतलो सगळ्यांत व्हडलो जिल्हो बेळगाव हे येवजणेचो लाव घेवपाक फाटीं आसा, पुराय जिल्ह्यांतल्यान फकत स अर्ज आयल्यात हें खूब धक्को दिवपी गजाल, सगळ्या क्रिस्तांव भावांनी निमाणे तारखे आदीं ह्या येवजण्यांचो लाव घेवचो अशें तांणी सांगलें. तशेंच ह्या येवजण्यांची निमाणी तारीक 15 डिसेंबर मेरेन वाडयतले अशी म्हायती तांणी दिल्या. ह्या सगळ्या येवजणींचे सवीस्तर कोंकणी भाशांतर उजवाड उपसंपादक मिनीन गोन्साल्वीस हाणीं खूब सोबीत रितीन केले.

कर्नाटक अल्पसंख्यांक उदरगत म्हामंडळाचे जिल्हो वेवस्थापक अकबरसब कुर्ताकोटी हांणी बायलां, शेतकार आनी ल्हान वेवसायिकां खातीर उपलब्ध आशिल्ल्या वेवसायीक रीण आनी अनुदान येवजणे विशीं पीपीटी सादरीकरणा वोरवीं म्हायती दिली. अल्पसंख्यांक कल्याण खात्याचे मंजुनाथ हांणी शिश्यवृत्ती आनी हेर आर्थिक मजती विशीं सविस्तर म्हायती दिली. हाजीर आशिल्ल्या विद्यार्थ्यांचो आनी नागरिकांचो दुबाव अधिकाऱ्यांनी निवळायलो.

अरिवू, परदेशांत उच्च शिक्षण घेवपा खातीर शिश्यवृत्ती, कुशळटाय उदरगत, कामगार बळ, गंगा कल्याण, स्वताची मजत करपी गट अशा वेगवेगळ्या येवजण्यां विशीं म्हायती दिली.

बेळगाव इगर्जेचे रेव्ह नूरुद्दीन मुल्ला आनी बेळगांवचो बिशप सायबाचो सचीव फादर प्रमोद कुमार हांणी प्रार्थना केली. फादर जेराल्ड डीसिल्वा, फादर सिरील ब्रॅग्स, रेव्ह थॉमस, रेव्ह आंकलगी तशेंच बेळगांव शार आनी लोंढा, खानापूर, गोकाक, बेळगांव ग्रामीण, रायबाग सयत वेगवेगळ्या सुवातींचे क्रिस्तांव भाव हाजीर आशिल्ले.

उजवाड संपादक लुईस रॉड्रीग्स हाणीं  ही बसका येवजण करुंक विशेश परिश्रम घेतले.

 

क्रिस्तांव भावांक टिपणी—

जिल्लो अल्पसंख्यांक कार्यालय, कणबर्गी रस्तो, बेळगांव संपर्क करचो.

कार्यालय संपर्क: +91 8277944206

अर्ज केंद्र: शनवार खुट हांगा इंटरनॅट केंद्र

कर्नाटक क्रिस्तांव समुदाय विकास म्हामंडळ संपर्क: +91 8277944206

जिल्लो वेवस्थापक : 9035073747

अकबरसब कुर्तकोटी (वैयक्तिक): 9448564889

लुईस रॉड्रिग्स: 8618643958

चड म्हायती खातीर आनी ऑनलायन अर्ज करपा खातीर: https://kccdclonline.karnataka.gov.in/Portal/

 

फोटो: केसीसीडीसी लिमिटेड संचालक जथान्ना, केएमडीसी वेवस्थापक कुर्ताकोटी, लुईस रॉड्रिग्स, फादर प्रमोद कुमार, फा. जेराल्ड डीसिल्वा, फादर हांणी केला. सिरिल ब्रॅग्स, रेव्ह फादर जेराल्ड डीसिल्वा आनी हेर पदाधिकारी हांणी केसीसीडीसीएल येवजण्यांचे पोस्टर उक्ते केले.

Related Posts

POPULAR NEWS

EDITOR'S PICK