जिल्हा अल्पसंख्यांक समितीचो भोवमान आनी कार्यारंभ

उजवाड ब्युरो, बेळगाव: उजवाड ब्युरो, बेळगाव: हालीच कर्नाटक सरकार तर्फे बेळगाव जिल्लो अल्पसंख्यांक कल्याण विभाग समितीचेर नव्यान वेंचून काडिल्ल्या नामांकीत वांगड्यांचो भोवमान कार्यक्रम आनी बेळगावच्या वेगवेगळ्या तालुक्यांच्या जैन बसदी, इगर्ज शादी महलांक दिल्ल्या अनुदानाचेर प्रगती पुनरावलोकन बसका जाली. अल्पांख्यांक जिल्लो अधिकारी विजय प्रकाश एफ पुजार हांच्या सांगाता प्रधानमंत्री 15 पॉइंट्स कार्यावळी खातीर राज्य सरकारान नेमलेले संचालक वांगडी हाजीर आशिल्ले.
अंमलबजावणी समितीचो वांगडी श्री लुईस रॉड्रिग्स हाणी सांगलें की आमी सगले अल्पसंख्यांक समाजाच्या उदरगती खातीर प्रामाणीकपणान वावुरतेले. अल्प संख्यांकांच्या उदरगती खातीर केंद्र आनी कर्नाटक सरकार तर्फे कार्यान्वयीत सगळ्यो येवजण्यो आणी तांचे अंमलबजावणीची जबाबदारी ह्या कमिटीचेर आसा, ती आमी नेटान कार्यान्वयीत करूंक वावर करतले.

बेळगाव जिल्ह्यात रोमन कॅथोलिक, प्रॉटेस्टंट आणि हेर पंथांच्या ख्रिस्तावांची आनी हेर  अल्पसंख्यांकांची संख्या खूब व्हडली आसा. लुईस रॉड्रिग्ज ह्यांचो जनसंपर्क खूब व्हडलो आसा. ह्या कमिटीचेर तांची नेमणूक जाल्या खातीर सगळ्यांनी समाधान व्यक्त केला.
ह्या वेळार समितीचे हेर सदस्य नियाझ सौदागर, विनोद डोड्डनावर, शाहिद मेमन आणि परमिंदर भाटी ह्यांचोय भोवमान जालो .

  • मिनीन गोन्सल्वीस

Related Posts

POPULAR NEWS

EDITOR'S PICK