साधना शिक्षण संस्थेचे संस्थापक-सचिव जे.बी. बारदसेकर हांका साथी सुरेंद्र आलासे समाजभुषण पुरस्कार प्रदान 

तुषार गांधी हांच्या हस्ते कुरुंदवाड हांगा सन्मान; महात्मा गांधीच्या आदर्शांतल्यान प्रेरीत सामाजिक कार्य
उजवाड ब्युरो, बेळगाव: महात्मा गांधी सप्ताहानिमतान कुरुंदवाड हांगा दर वर्सा गांधीवादी विचारसरणेचेर सामाजिक वावर करपी व्यक्तीक मेळनारो – साथी सुरेंद्र आलासे समाजभुषण पुरस्कार अंदु साधना शिक्षण संस्थेचे संस्थापक सचिव जे.बी. बारदेस्कर (जे.बी.सर) हांका फावो जालो.  हो 14वो पुरस्कार महात्मा गांधीचो पणतु तुषार गांधी हांणी हो पुरस्तकार जे.बी.सर हांकां भेटयलो. ह्या पुरस्कारांत शाल, नाल्ल, सन्मानचिन्ह आनी रु.21,000 रोख इनाम आशिल्लें. हो सुवाळो जैन सांस्कृतिक भवनांत मानेस्तांच्या उपस्थितींत जालो. 1969 वर्सांथावन दक्षीण महाराश्श्ट्रांतल्या हजारांनी भुर्ग्यांक शिक्षण दिवन शाणे केल्ल्या जे.बी.सरांच्या जिवीतांतलो हो आनी एक मानाचो पुरस्कार जावन आसा.
कुरुंदवाडची नगराध्यक्ष मनीषा डांगे हांणीय ह्या कार्यावळींत आपले विचार सांगले. आयचे विद्यार्थी मोबायल फोनाच्या चड वापरांत गुंतल्यात, जाचो तांच्या विचारांचेर परिणाम जावपाक लागला अशें तिणें निरिक्षण केलें. बायलां मदीं अंधश्रध्दाचो वाडत आशिल्लो प्रभाव आनी ताका लागून भुरग्यांक योग्य दिशेन मार्गदर्शन करपाक सक्षम पालक नाशिल्ल्याचो हुस्को तिणें उक्तायलो.
ह्या कार्यक्रमांक व्हड प्रमाणांत लोक हाजीर आशिल्ले, तातूंत दिग्गज गांधीवादी, समाजवादी कार्यकर्ते, राष्ट्र सेवा दलाचे वांगडी, अंधश्रध्दा निर्मुलन स सर्वोदय विचारसरणेचे अनुयायी हाजार आशिल्ले. ( पुराय खबर उजवाड नोव्हेंबर अंकात)
महात्मा गांधीच्या नातवाच्या हस्ते हो पुरस्कार आपणांक मेळ्ळ्याची खुशालकाय जे.बी.सरांनी उक्तायल्या.

Related Posts

POPULAR NEWS

EDITOR'S PICK