कोंकणी सुपूत डॉ डेव्हीड आल्वारीस हांची मळबां गवसणी – केंद्रीय जीएसटी ट्रायब्युनल कमिटीचेर नेमणुक

उजवाड ब्युरो, बेळगांव : मुळावे बेळगांव, तसेच गडहिंग्लज आनी नवी मुंबय हांगा राबितो केल्ले कोंकणी सुपूत आनी महाराश्ट्राचे निवृत्त सेल्स टॅक्स कमिशनर डॉ डेव्हीड थॉमस आल्वारीस हांची केंद्र सरकारच्या गुड्स ॲण्ड सर्व्हीस टॅक्स अपीलेट ट्रायब्युनल (GSTAT) च्या त्रीसमितीचे सदस्य म्हूण केंद्र सरकारच्या अर्थ मंत्रालयान नेमणुक केल्या. महाराश्ट्र आनी गोंय राज्यांनी आशिल्ल्या ग़्ष्अट च्या खंडपीठांखातीर ही चार वर्सां खातीर ही प्रतिश्ठायेची नेमणुक आसा. सप्टेंबर 3 तारकेर केंद्रीय अर्थखात्याचे सचीव अरविंद श्रीवास्तव हाणीं तशें पत्र डॉ आल्वारीस हांकां धाडला. सबंद घाटमाथो प्रदेशांतल्या कोंकणी आनी हेर भाशिक क्रिस्तावां मदें ही सगळ्यांत उंचेली आनी अतिमहत्वाची नेमणुक आसा.
हाचे आदी डॉ आल्वारीस हाणीं प्रोफेशनल टॅक्स विभागाचे मुंबयचे कमिशनर म्हूण वावर केला. तेच भाशेन दोन वर्सां आदीं ते निवृत्त जातकुच तांची महाराश्ट्र राज्य सेल्स टॅक्स ट्रायब्युनल (MSTT ह्या उच्च समितीचे सदस्य म्हूण ते नोव्हेंबर 2023 थावन कार्यरत आसले.


संघर्शपूर्ण परिस्थितीत आपले प्राथमिक, माध्यमिक शिकप केलेल्या डॉ आल्वारीस हाणीं उच्च बुद्धीमत्ता, संघर्ष आनी जिद्दीच्या जोरार मळबांक गवसणी घाल्ल्या. तांच्या ह्या यशा खातीर गडहिंग्लजच्या सांत आंतोनी इगर्जींत आयतारा तांचो भोवमान जालो.
ह्या कोंकणी सुपुताक आनी ताच्या कार्याक उजवाड परिवार आनी समेस्त कोंकणी मनीस परबीं दिता आनी तांच्या ह्या यशाखातीर अभिमान उक्तायता.

Related Posts

POPULAR NEWS

EDITOR'S PICK