आजरा गावच्या क्रिस्ताव समाजातल्या तेग जाणांचो धरणाच्या उदकात बुडून अंत

आजराः आजरा गावच्या क्रिस्ताव समाजातल्या तेग जाणांचो धरणाच्या उदकात बुडून अचानक अंत जाल्या कारणान आजरा गावाचेर शोककळा पसरल्या. आजरा लागसारच्या पारोली बॅरेजांत बुडून क्रिस्तांव समाजांतले दोन भाव सयत तीन जाणांक मरण आयलां. ही घडणूक आयतारा सांजवेळा 4 वरांचेर घडली. मरण आयिल्ल्या लोकां मदीं रोझारियो आंतोन कुटीन्हो हो वकील, फिलीप आंतोन कुटीन्हो हो आयटी अभियंतो आनी मर्चंट नेव्हीत काम करपी लॉयड पास्कॉल कुटीन्हो हांचो आस्पाव आसा. सगळेच नाताळा खातीर आजऱ्या एकठांय जाल्ले.

आयतार दनपारां साडेतीन वरांचे सुमाराक ते पोंवपाक गेले. धरणांतल्यान उदक सोडिल्ल्याक लागून उदकाचो वेग व्हड प्रमाणांत वाडिल्लो. धरणांतल्या उदकाचो अदमास नाशिल्ल्यान रोझारियो आनी फिलीप पयलीं बुडले. लॉयड तांकां वाचवपाक गेलो तेन्ना तोय बुडलो. तटबंदीचे देगेर आशिल्ले भूर्ग्यांचो आकांत आयाकून लागसरचे नागरीक थयसर धांवले.

मजगतीं, तटबंदीचे देगेर वाट पळोवपी भुरग्यांनी घराक फोन करून ही घडणूक सांगली. ते खातीर पारोली धरणाचेर फकत एकच गर्दी जमिल्ली. सांजवेळा उसरां शांतनु पाटील, आश्रम सांब्रेकर, निखिल पचवाडेकर, सिध्देश नायक, गौरव देशपांडे, आसिफ आगा, हसन उर्फ ​​सफा मकंदरान धरणाच्या उदकांतल्यान तिगांयचीं मडीं काडलीं. ह्या वेळार कुटीन्हो कुटुंबाचो बोवाळ काळजाक पिळवटून उडयतालो.
आयज दनपारा दोन वरांचेर ह्या तेगांचेर निमाणे संस्कार जातेळले.
रुजाय अंत्तोन कुतीनो वय 40
(घरकांन आनी २. भूर्गी)
लॉयड पोस्कोल कुतीनो वय 30
घरकान आनी एक लहान भूरगे)
फिलिप अंतोन कुतीनो वय 36
(घरकान आनि २ भुर्गी )
अशे तांचे परिवार आसात.

Related Posts

POPULAR NEWS

EDITOR'S PICK