

फोटो : डॉ बी एच मेटगुड फ्री चेक अप शिबिराचें उक्तावण करपाक दिवो पेटयतना. तशेंच स्वरूपा मेटगुड, लुईस रॉड्रिगीस, प्रताप सुतार, फादर रमेश फर्नांडीस आनी हेर
शिबिराच्या उक्तावण वेळार उलयतना डॉ मेटगुड हांणी ग्रामीण भागांतल्या नागरिकां मदीं वाडत आशिल्ल्या दुयेंसांचें निदान जावप गरजेचे आसा अशें सांगलें. “ गांवगिऱ्या वाठारांतले जायते गांवकार नेमान भलायकी तपासणी करपा पासून वंचित आसात. हाका लागून दुयेंसांचो आंकडो जायते फावटीं वाडत आसा जाका लागून अचकीत मरण येता ह्या पासोत लोकांनी सदांच नेमान आपली सामान्य भलायकी तपासणी करची अशें डॉ मेटगुडान आवाहन केलां. शारी वाठारां प्रमाण गांवच्या लोकांकय नेमान तपासणीचो फायदो मेळपाक शक ना म्हणून म्हाका खरोच हुस्को आसा कारण जायत्या ज्येश्ठ नागरिकां मदीं भलायकेचे प्रस्न वाडत आशिल्ले तांकाच खबर नासले अशे सांगून डॉ मेटगुडा हाणीं उजवाडान घेतिल्ल्या ह्या उपक्रमा खातीर तोखणाय केली.
वरिश्ठ वैज डॉ पी एन शांतागिरी, डॉ प्रताप बुध्या, प्रसूती आनी स्त्रीरोग तज्ञ डॉ डॉ केतकी भोसले, डॉ पुष्प बिरादार, दोळ्यांचे तज्ञ डॉ उमेश हरकुनी हांणी डॉ प्रेरणा गोसावी, डॉ गायत्री मुडपकगोल, डॉ मयुरी आनी हेरांच्या आदारान भलायकी तपासणी केली. बैलहोंगल सहकारी बँकेचे बिनविरोध अध्यक्ष म्हणून वेंचून आयिल्ल्यान डॉ बासवराज मेटगुडाक ह्या निमतान भोवमान केलो.
जोसेफ फर्नांडिस
हॉस्पिटलाची संचालक श्रीमती स्वरूपा मेटगुड, सेंट पॉल हायस्कुलाची वेवस्थापक आनी पॅरिश पाद्री फादर आग्नेलो फिगेरेडो, एस.आर. शाळेच्या विद्यार्थ्यांनी येवकार नाच सादर केलो. शिक्षक माधुरी पाटील आनी शिक्षक ग्रेसिला फर्नांडीस हांणी ह्या कार्यावळीचें समन्वय केलें आनी शिबिर चलोवपाक मदत केली. सादारण 200 वयर दुयेसींनी ह्या शिबीराचो लाभ घेतलो. मोफत तपासणी आनी निदाना सांगाताच रुग्णांक मोफत वखदांचे लेगीत वांटप जाले.
………….. समाप्ती











