बेळगांवः महाराश्ट्राच्या मंत्र्यांचो कर्नाटक दौरो फुडें धुकल्लो आसताना बेळगावांत मात परिस्थिती इल्ली गंभीर जाल्या. ह्या फाटभुयेचेर महाराश्ट्र-कर्नाटक शीमेर बेळगाव पुलिसांनी कडक बंदोबस्त दवरला. दर एक वाहनाची तपासणी जाईत आसा.
दरम्यान सांगली जिल्ह्यांतल्या जत तालुक्याच्या कांय गावांचो आस्पाव कर्नाटकांत करपाची इत्सा क्र्नार्टकचे मुख्यमंत्री बसवराज बोम्माई हांणी उक्तायिल्ली. त्या उपरांत महाराष्ट्र-कर्नाटक शिमेचो वाद परतून पेटलो. महाराष्ट्र-कर्नाटक शिमेचे वाद दिसानदीस चड गरम जायत आसात, अशें दिसता.
आयज सकाळी बेळगाव लागी राश्ट्रीय म्हामार्गाचेर हिरेबागेवाडी टोल बूथाचेर कन्नड रक्षा वेदिका संघाच्या कार्यकर्त्यांनी महाराष्ट्र पासिंग ट्रकांचेर फातर उडयले. हे घडणुकेचो व्हिडियोय उजवाडाक आयला. महाराष्ट्रांतल्यान वचपी ट्रकांचेर हिरेबागवाडीचेर निशाणो केला. 4-5 ट्रकांचें लुकसाण जाल्ल्याची म्हायती मेळ्ळ्या.












