(एन डी ज़ी आनी सेवासदन हांचो संयुक्त उपक्रम)
उजवाड ब्युरो, बेळगाव: सेंट्राकेअर सुपरस्पेशालिटी हॉस्पिटलांचो उक्तावण सुवाळो आयतारा, 29 जून 2025 दिसा शगुन गार्डन, खानापुर रोड, उद्यमबाग हांगा दबाजान जातेलो. . नामनेचो अभिनेता आनी समाजिक विचारवंत पद्मश्री श्री. नाना पाटेकर, श्री. संभाजी भिडे गुरुजी, डॉ. प्रभाकर कोरे (के एल ई संस्थेचे कार्यकारी अध्यक्ष), बेळगांव जिल्लो प्रभारी मंत्री श्री. सतीश जारकीहोळी, महिला आनी बालकल्याण मंत्री श्रीमती लक्ष्मी हेब्बाळकर, लोकसभा सदस्य श्री. जगदीश शेट्टर, राज्यसभा सदस्य श्री. ईरण्णा कडाडी, आमदार श्री. अभय पाटील, आमदार श्री. आसिफ (राजु) सेट आनी राजकीय आनी समाजीक थळावयले हेर मानेस्त उक्तावण सुवाळ्याक हाजीर आसतले.
सेंट्राकेअर हे अत्याधुनिक हॉस्पिटल आपल्या विविध वैजकी विभागांवोरवी जागतीक पातळीची वैध्यकीय सेवा दिवुंच्याक वावुरता. बेळगांव शाराच्या मध्यवर्ती भागांत आशिल्ल्या ह्या 50 खाटीच्या हॉस्पिटलांत नवीन वैजकी तंत्रज्ञान आपणायला. गरजेच्या दुयेंतीक सगळ्यांत बरे आनी काळजी घेवपी उपचार दिवन लोकांचो विश्वास मेळोवपाक ताका येस आयला. दरेका दुंयेंतीक तांच्या गरजेप्रमाण उण्यांत उण्या खर्चान उत्तम दर्जाची भलायकी सेवा दिवपाक हॉस्पिटल वेवस्थापन वचनबद्ध आसा, अशें डॉ.निता देशपांडे हांणी सांगलें.
हॉस्पिटलाच्या सगळ्या वैजकी तंत्रगिन्यांना वांगडा अत्याधुनिक सेवा आनी निदान एकाच छप्पराखाला हॉस्पिटल दिता. सामान्य वैजकी, सामान्य शस्त्रक्रिया, लॅप्रोस्कोपिक शस्त्रक्रिया, स्त्री रोग विज्ञान, आर्थोपेडिक्स, मुत्रपिंड, मुत्रविज्ञान, प्लास्टिक शस्त्रक्रिया, हृदयविज्ञान, हृदयविकाराची शस्त्रक्रिया, रिकन्स्ट्रक्टिव्ह सर्जरी, कार्डीओलॉजी, कार्डीयाक सर्जरी, न्युरोलॉजी, न्युरो सर्जरी, रेस्पिरेटरी मेडीसिन, मानसोपचार,गॅस्ट्रोएंटरॉलॉजी, रेडिओलॉजी, नाक, कान, घसो, उपचार, संधीवात शास्त्र, डायबेट्स-ओबेसिटी, मेटॉबॉलिक (चयापचय) भलायकी, ईंटेन्सिव्ह मेडिसीन, बेरियाट्रीक शस्स्रक्रिया आनी गॅस्ट्रीक बलुनींग, आहार आनी पोषण शास्त्र, फिजियोथेरपी आनी कार्डीयाक रीहॅबिलिटेशन युनिट, डायलेसिस युनिट उपलब्ध आसा. सिटी स्कॅन, फार्मसी, आपत्कालीन सेवा, अर्जेंट केअर युनिट सयत सगळे विभाग 24/7 काम करतात. ॲंबुलेन्स सेवा लेगीत दीस-रात उपलब्ध आसा. हॉस्पिटलांत हार्टाची शस्त्रक्रिया यशस्वीपणान पुराय जाल्या.
निवळ वातावरण, प्रशस्त हॉल, सैमिक उजवाड आशिल्ले हवामान हाका लागून दुयेंती बेगीन बरे जावपाक मदत जाल्या. अनुभवी दोतोर काळजी घेवपी नर्सी आनी हांसत्या मुखान वावुरपी कर्मचारी दुयेंती बेगीन बरें जांवपाखातीर खूब वावुरतात.










