
उजवाड ब्युरो, गडहिंग्लज : मुळावे मलिग्रे, ता आजरा आनी सद्या गिजवणे(गडहिंग्लज) हांगा रावपी निवृत्त प्राचार्य फास्कू संतान बारदेस्कर (क्रुझ) आनी रेखा फास्कू बारदेस्कर हांची धूव डॉ. साधना मॅन्युएल लोबो हिणे हालीच डॉक्टरेट (पी.एच.डी)मेळयल्या. चंदगड, तालुक्यांतले तडशिनहाळ हे डॉ साधना हिचे मावाडें आसा. फाटल्या कांय वर्सांसावन ती ख्राईस्ट कॉलेज, राजकोट, गुजरात हांगा प्रिन्सिपल म्हूण वावर करता. पूण इतल्यारुच समाधान मानी नासताना तिणे एम.एस.स्सी. नर्सींग उपरांत इंदौरच्या मालवांचल विद्यापिठांतल्यान बाल भलायकी नर्सिंग (Child Health Nursing) विशयांत ंही डॉक्टरेट मेळयल्या.
तिच्या ह्या यशा खातीर आमकां अभिमान दिसता. आमी आमच्या पुर्वजांचे हे बेसांव आसा. तेच भाशेन डॉ साधनाच्या फुडल्या वावरा खातीर आमी देवाचे बेसांव मागतांव अशा उत्रांनी तिचे आवय-बापायन प्रतिक्रिया दिल्या.









