उजवाड ब्युरो, बेळगांव: नर्सींग विशयांत पीएचडी मेळयलेल्या डॉ.समीना फर्नांडीस हांकां आंतरराश्ट्रीय मळावयलो भलायकी क्षेत्रांतलो प्रतिश्ठीत विमीन्स लिडरशीप पुरस्कार मेळ्ळो. हो आंतरराष्ट्रीय पुरस्कार शिखर सभेंत, 1 डिसेंबर 2024 दिसा, हयात प्लेस, अल मिना, जुमेरा, दुबय (युएई) हांगा मेळ्ळो. दुबयच्या राजाचे कार्यालयाचे कार्यकारी संचालक आनी खाजगी सल्लागार श्री याकूब अली हांणी हो पुरस्कार डॉ समीना हांका भेटयलो.
सर्गेस्त शावेर फर्नांडीस उर्फ वेंगुर्लेकर सर आनी वेरोनिका फर्नांडीस हांची धूव डॉ. समीना सध्या बांगलादेशांतल्या ढाका हांगाच्या एव्हरकेअर ग्रुप ऑफ हॉस्पिटलांत नर्सिंग मुखेल म्हणून काम करता आनी हालींच तिका नर्सिंग विभागाची कम्ट्री हेड म्हूण तिका बडटी मेळ्ळ्या. तिणे नर्सींग क्षेत्रात आंतरराश्ट्रीय मळार दिलेल्या भोवमुल्य योगदाना खातीर अमेरिकेच्या इंटरनॅशनल अवार्ड्स फोरमान डॉ समीनाचे नाव ह्या पुरस्कारा खातीर सुचयिल्ले.
(पुराय खबर वाचात उजवाड डिसेंबर अंकात)










