गोंयच्या सायबाची म्हयमा काळजांत घेवन… गोंयची पादयात्रा पावली आदल्या गोंयांत

धावत पळत दर्शनासाठी…. गेलो मी गोया शेराशी माझ्या धेनात, मनात, सपनात दिसे, सांप्राशावेराची मूऽऽरती…

लुईस रॉड्रिग्स, उजवाड ब्युरो :  बेसांव घाल साऽऽयबा …..गांवार यामच्या…सांबाळून सदाकाऽऽल, गोपांत तुज्या अशी कांतारा गायत 44व्या वर्षांत पाविल्ल्या गोंयच्या सायबाच्या पादयात्रेतले सादारण 700 वयर पादयात्री मंगळार, 2 डिसेंबर सकाळी आदल्या गोंया सांत फ्रान्सीस शावेराच्या पाया लागी पावले आनी सादारण तीन ते चार दिसांच्या ह्या पादयात्रेची आयज सांगता जाली. +आपल्यो आंगवणी आनी मागण्यो तशेच फावो जाल्ल्या उपकारा खातीर धिनवास काळजांत घेवन ह्या पादयात्रींनी ह्या तीर्थयात्रेचो आरंभ केल्लो आनी आपल्या काळजांतले हे सगळे ताणीं गोंयच्या सायबाच्या पायाकडेन अर्पण केले.

आजरा, गडहिंग्लज, खानापूर, चंदगड, कोल्हापूर, बेळगांव, सौदत्ती तशेच पुण्या-मुंबयथावन ह्या पादयात्रेत दाखल जाल्ल्या ह्या भावायाँ पासोत सकाळी 12 वाजता कोक़णी मिसाची भेटवणी जाली. सिंधुदुर्गचे प्रशासक फादर आंद्रु डिमेल्लो हाणीं हेर पाद्रींच्या सांगाता हे मीस भेटयले. ह्या पादयात्रेत 7 वर्साच्या भुरग्यांसयत 70-75 वर्साच्या दादले बायलांचो आस्पाव आसलो.

गोंयच्या सायबाची म्हयमा काळजांत घेवन आयिल्ल्या ह्या पादयात्रींचो आयज सांजे आदल्या गोयांत गुरु संताजी लोबो हांच्या नेतृत्वाखाल पुरसांव जातेलो.

बेळगांवचे विशाल मिनीन गोन्साल्वीस हाणीं घेतिल्लो सोबीत व्हिडिओ आनी हेर फोटुं सांगाता जोडला.

…….

Related Posts

POPULAR NEWS

EDITOR'S PICK