उजवाड ब्युरो: गोंयच्या इगर्जेच्यो घंटयो आतां दुख्खान वाजतात.चिखली ( वास्को) चो मोगाळ पॅरिश पाद्री आनी न्याय आनी पर्यावरणाचे संरक्षणाचो निर्भय आनी निर्भीड आवाज आशिल्लो फादर बोलमॅक्स परेरा मंगळारा काळजाचो आताक येवन देवाधीन जालो. तो फकत 50 वर्सांचो आशिल्लो.
संवसार भारत लाखांनी लोकां खातीर फादर बोलमॅक्स फकत वेदीचेर उबो आशिल्लो पाद्री न्हय. तो आपल्या लोकां सांगाता चलपी, आवाज नाशिल्ल्या लोकां खातीर झगडपी, गोंयच्या नाजूक वातावरणाची राखण करपी, आपल्या धीरान आनी करुणान पुराय पिळगेक प्रेरणा दिवपी एक खरो गवळी.
सबंद गोंयाक धक्को दिवपी अचकीत कोसळ्ळील्ली एक दुख्खाची घडणूक . वास्को रेल्वे स्टेशनाचेर कुळे आपल्या लोकांसांगाता पिकनिकेक वचपाची तयारी करतना वास्को रेल्वे स्टेशनाचेर कोसळ्ळो. तांकां गोंय गोंयच्या GMC हॉस्पिटलांत उपचारा खातीर दाखल केल्लो.ताका बरे जावपाचीं लक्षणां दिसून आयल्यात आनी हॉस्पिटलांतल्या भेटीदारांक लेगीत संवाद सादता अशें सांगिल्ल्यान इश्ट आनी पॅरिशियन आशेन उरले. पूण उपरांत त्या राती आनीक एक खर हृदयविकाराचो आटाक आयल्या उपरांत ताची स्थिती अचकीत वायट जाली. गोंयभर आनी ताचे भायर रज़ार आनी मागन्यांचो प्रवाह सुरू जाल्लो. दोतोरांनी ताका लायफ सपोर्टाचेर दवरलो.ताका वाचवपाचे सगळे यत्न जाले तरी मंगळारा सकाळीं फादर बोलमाक्सान निमाणो उस्वास घेतलो.
गोंयच्या लोकांचो आवाज जाल्लो पाद्रीफादर बोलमॅक्स फकत पाद्री सेवे खातीर न्हय तर पर्यावरणीय न्याय आनी समाजीक कारणां खातीर वचनबद्धते खातीरय सगळेकडेन फामाद आसलो. He was the strongest voices opposing projects that threatened Goa’s ecology, including the controversial railway double-tracking works and the destruction of forests in Mollem.
बऱ्याच तरणाट्या गोंयकारांक तो धैराचें प्रतीक आशिल्लो.
परिस्थिती कठीण आसतना लेगीत सत्याक उबो रावपाक भियेनाशिल्लो . चिखली हांगाच्या सेंट फ्रांसिस झेवियर इगर्जेंत पॅरिश प्रिश्ट म्हणून ताणें आपल्या सादेपणांतल्यान असंख्य जिविताक स्पर्श केलो, दयाळपण, आनी समाजा कडेन खोलायेन मोग आशिल्लो.
सामान्य लोकांच्या दुख्खांक आनी संघर्शांक लागीं पावपाक येवपी, आनंदी, आनी खोलायेन कटिबद्ध असो एक वेगळोच पाद्री म्हूण भावार्ती म्हूण लोक याद करतात. समेस्त गोंयकारांच्या काळजाक धक्को बसला. ताच्या मरणाची खबर आयले उपरांत सोशल मिडिया, इगर्जी, समाजीक गटांनी श्रद्धांजलींचो हुंवार आयला. जायत्या जाणांनी ताचें वर्णन “लोकांचो पाद्री” आनी “गोंयचो संरक्षक” अशें केलें.
हॉस्पिटलाच्या भायर चमत्कार मागपाक जमपी भावार्थी लोकां खातीर आतां चड दुख्ख ज़ाला . गोंयान फकत एक पाद्री गमावंक ना — तर एक दयाळ फुडारी, एक निर्भय कार्यकर्तो आनी एक आध्यात्मिक बापूय व्हगडायला. जाणे आपलें जिवीत दुसऱ्यांची सेवा करपाक घालयले.
फादर बोलमॅक्स परेराचो पृथ्वीचो प्रवास सोंपलो तरी ताणें उबीं केल्ली मुल्यां गोंयभरांतल्या असंख्य लोकांक प्रेरणा दिवपाक चालूच आसात. न्याया खातीर ताणें केल्लो लढो, सृश्टीची काळजी, मनीसपणाची मोग विसरूंक ना. कारण ताचे सारके पाद्री आनी व्यक्तिमत्व दुर्मिळ. सबंद गोंय शोक करता तशें जायते जाण ताची याद करतले फकत ताणें केल्ल्या संघर्शा खातीर न्हय, तर ताणें दर एका दिसा सादारण लोकांक दिल्ल्या सोबीत, सुंदर आनी निर्भय गोंया खातीर, गोंयच्या पर्जळीत फुडारा खातीर
– लुईस रॉड्रिग्स









