जनमत कौल जर हारिल्ले जाल्यार गोयांक आयज मुख्यमंत्री मेळनाशिल्लो : एन्. शिवदास

उजवाड ब्युरो, बेळगाव: 16 जानेवारी ‘अस्मिताय दीस’ जनमत कौल दीस कोंकणी लेखक संघाच्या वांगड्यांनी उमेदीन आनी सुंदर रित्या फोंडेच्या स्नेहमंदिरांत मनयलो.. ह्या वेळार जनमत कौल आंदोलनातल्या घटनेचे सुमार १०० फोटो प्रदर्शन दवरिल्ले.
तशेंच ज्येश्ट नागरिकांखातीर कविता, गीत, आनी मिलिंद भरणे हांणी सादर केल्ली. मनोरंजन करतनाच प्रश्नमंजुशा कार्यावळ सादर केली. सुरवेक अध्यक्ष गौरीश वेर्णेकार हांणी येवकार प्रास्ताविक केले.

ज्येश्ट लेखक एन्. शिवदास हांणी जनमत कौलाच्यो यादी सगळ्यांमुखार उक्त्यो केल्यो. ताणी सांगलें गोंय मुक्ती उपरांत जनमत कौल ही गोयांक मेळिल्ली खऱ्या अर्थान दुसरी मुक्ती. जर आमी जनमत हारिल्ले जाल्यार आमचें गोंय आयज भारत देशांतलें राज्य जावंक पावनाशिल्लें आनी गोयांक आयज मुख्यमंत्री मेळनाशिल्लो. अशे ताणी सांगले
ह्या वेळार गोंयचेर आदारीत कविता सादर केल्यो. तातूंत कृष्णा सिग्नापूरकर, उदय म्हांबरे, प्रकाश नायक, विनोद गावडे, रुपेश देसाय, उर्जिता भोबे , एना पेरेरा, पुष्पा नायक हाणी वांटो घेतलो. पंकज नमशिकर, गौरीश वेर्णेकर हाणी गितां सादर केलीं. सुफला गायतोंडे तशेंच हेर कोंकणी साहित्तीक आनी साहित्य मोगी, ज्येश्ट नागरीक, स्नेह मंदिराच्यो मुखेली सौ. सुमन सामंत कार्यावळीक हाजीर आशिल्ल्यो. कार्यावळीचें सुत्रसंचालन प्रसाद पागी हांणी केले

Related Posts

POPULAR NEWS

EDITOR'S PICK