जेजू क्रिस्ताच्या जल्माचो उत्सव, नातलाचे फेस्त बेळगाव दियोसिजींत व्हड भक्तीभावान आनी दबाजान

उजवाड ब्युरो, बेळगाव : जेजू क्रिस्ताच्या जल्माचो उत्सव नातलाचे फेस्त बेळगाव दियोसिजींत व्हड भक्तीभावान आनी दबाजान मनयले. बेळगाव शार आनी परिसरांतल्या इगर्जीनी मंगळार मध्यान रातीसावन  दुसरे दिसा सकाळी 2 ते 2.30 वरां मेरेन जालेल्या मिसांनी भावार्त्यांनी खूब भक्तीभावान आनी व्हड उर्बेन वांटो घेतलो. बिरेस्तारा सकाळीं  लेगीत मिसांनी वांटो घेवन 2024 वर्सां आदीं जाल्ल्या जेजू क्रिस्ताच्या जल्माचो उगडास केलो कारण क्रिस्तांव बेगीनूच 2025 च्या ज्युबिली वर्सांत रोकडेच प्रवेश केला जाचे संवसारभर उक्तावण जातलें.

नतालाच्या कुसवाराचो आदान-प्रदान आनी बाळक जेजुचो उमाव घेवन तेच भाशेन वंचित आनी गरीब लोकांक कुसवार वांटून हो दीस मनयतात. अंदूं नातलां खाशेली आसात कित्या अंदू जेजू क्रिस्ताची वाडदीस 2025 संवसारभर मनयतात.

बेळगांव डायोसिसाचो बिशप रेव्ह डॉ. डेरेक फर्नांडीस जो उत्तर कर्नाटकाच्या पांच जिल्ह्यांचे आनी कोल्हापूर जिल्ह्याचो एक भाग मुखेली आशिल्ल्या चंदगड तालुक्याचे मुखेल आसात ताणी बेळगाव शारांतल्या कॅम्प हांगाच्या फातिमा कॅथेड्रलांत पवित्र मीस भेटयले. बिशप फर्नांडीसान आपल्या प्रवचनांत नाताळाच्या उत्सवांत जेजू क्रिस्ताची खरी उपस्थिती उजवाडाक हाडली. “आमी क्रिस्ता बगर नाताळ मनोवपाचो एक धोको आयच्या संवसारांत आसा. ह्या पवित्र हंगामाचें वेवसायीकीकरण चड करून ताच्या खऱ्या अथाचो अनर्थ करता. आमच्या नाताळाच्या उत्सवाच्या केंद्रस्थानी क्रिस्ताक दवरपाचो संकल्प करुया अशें बिशप फर्नांडीसान सांगले.

मजगतीं, पुराय वाठारांतल्या क्रिस्तांवांनी एकामेकांक पारंपारिक कुसवार वांटून आनी पारंपारीक नाताळाच्यो परबीं दिवन हो दीस मनयलो. तशेंच दीसभर खाशेली प्रार्थना सेवा जाली जाल्यार जायत्या क्रिस्तावांनी  जाण्टे आनी निराधार लोकांच्या घरांनी वचून गरीब आनी वंचितांक भेटवस्तू आनी कुसवार वांटलो.

शारांतल्या सगळ्या इगर्जांनी जाल्ल्या मध्यान रातच्या सेवेंत आनी सकाळीं प्रार्थना सेवेंतय जायत्या क्रिस्तांवांनी वांटो घेतलो. बिशप हाऊस, सेंट पॉल हायस्कुल, मेथोडिस्ट इगर्ज आनी हेर इगर्जांच्या आवारांत जेजू क्रिस्ताच्या जल्माचो देखावे अर्थात क्रिसमस क्रीब सगळ्या धर्मांतल्या लोकांक आकर्शीत करताले.

फादर जॅक मेनेझेस, फादर युसेबियो फर्नांडीस, फादर जो डी’सोझा, फादर सायमन फर्नांडीस, फादर मायकल फर्नांडीस, फादर स्टीवन आल्मेडा, फादर आल्बर्ट डिसोझा, आनी हेर पाद्री हांणी बेलागावी आनी ताचे भोंवतणीं आशिल्ल्या इगर्जांनी प्रार्थना उत्सवाचें फुडारपण केलें.

फोटो: बिशप डेरेक फर्नांडीस मंगळारा मध्यान रातीं शिबिरांतल्या कॅथेड्रलांतल्या क्रिसमस क्रीबचो बेंजार करताना.

 

Related Posts

POPULAR NEWS

EDITOR'S PICK