कर्नाटकचो नामनेचो आयएएस अधिकारी आनी व्हिजनरी ब्युरोक्रेट बेव्हिस ए कुटिन्हो देवाधीन

उजवाड ब्युरो, बेळगाव: कर्नाटक सरकाराचो आदलो अतिरिक्त मुखेल सचीव आनी नामनेचो सरकारी उच्चाधिकारी बेविस ए. कुटिन्हो ( 75) ब्रेस्तार सकाळी देवाधीन जालो. कुटिन्हो हांका प्रदीर्घ दुयेसान मरण आयले.

१९७७ वर्साच्या कर्नाटक कॅडरांतलो आयएएस अधिकारी कुटीन्हो हाणीं आपल्या दैदिप्यमान कारकिर्दींत जायत्या म्हत्वाच्या भुमिकेंत काम केलें. कर्नाटक अर्बन इन्फ्रास्ट्रक्चर डेव्हलपमेंट अँड फायनान्स कॉर्पोरेशन (केयूआयडीएफसी) हे संस्थेचे अध्यक्ष म्हणून तांणी शहर उदरगत प्रकल्प चालीक लावपाक मुखेल भुमिका साकारली. तशेंच बेळगावचो जिल्होधिकारी आनी प्रादेशिक आयुक्त म्हणून ताणीं काम केलें आनी थंय ताच्या योगदानाची सगळेकडेन तोखणाय जाली.

कुटीन्हो हांची एक उल्लेखनीय कामगिरी म्हळ्यार मनसापूर लागीं कुटीन्हो नगर ची वसणूक. थंय ताणीं व्हड प्रमाणांत वंचित दलीत कुटुंबांचें पुनर्वसन करपाक वावर केलो. समाजकल्याणा खातीर ताणीं केल्ल्या समर्पणाक लागून जायत्या जाणांक जिवीताचो आधार मेळ्ळो.

मुख्यमंत्री रामकृष्ण हेगडे हाच्या काळांत कुटिन्हो हाणीं अर्थ मंत्रालयांत काम केलें आनी कर्नाटकाचे तीन  अर्थसंकल्प तयार करपाक म्हत्वाची भुमिका साकारली. ताची तज्ञताय आनी दृश्टीकोन राज्याच्या अर्थीक नियोजनांत आनी धोरण तयार करपाक म्हत्वाचें योगदान दितलें.

सर्गेस्त कुटिन्हो हो कुंकोळीचो एकमेव व्यक्ती भारतीय प्रशासकीय सेवेंत सामील जालो आनी निमाणें तो अतिरिक्त मुखेल सचीव म्हणून निवृत्त जालो. घरकान्न,  पूत आनी धूव असो तांचो परिवार आसा.

निमाणे संस्कार (इंतेराचे मीस) शुक्रारा इमाक्युलेट कॉन्सेप्शन इगर्ज, सेंट झेवियर शाळा कंपाउंड, बेलागावी हांगा सांजवेळा 4 वरांचेर जातले आनी त्या उपरांत क्लब रोड शेजाराक आशिल्ल्या शिमीतरींत तांचे इंतेर जातेले.

ताचें सेवेचें जिवीत आनी शासन आनी समाजीक न्याय हांचे कडेन आशिल्ली वचनबद्धताय फुडल्या पिळग्यांक प्रेरणा दिता.

Related Posts

POPULAR NEWS

EDITOR'S PICK