उजवाड ब्युरो, बेळगांव : केएलएस गोगटे इन्स्टिट्यूट ऑफ टेक्नॉलॉजीक (केएलएस जीआयटी) आसामांतल्या आयआयटी गुवाहाटी कैंपसांत व्हड भोवमान मेळ्ळो. केएलएस जीआयटीच्या संगणक विज्ञान आनी अभियांत्रिकी विभागांतल्या राहुल सामेदार आनी संभाजी पाटील हांच्या फुडारपणाखाला पंगडान ह्या कॅम्पसांत आयोजीत केल्ल्या पॅन-आयआयटी एआय/एमएल हॅकाथॉनांत ‘कॉन्वोल्व 4.0’ हातूंत दुसरो क्रमांक मेळयलो.
आयआयटी गुवाहाटी आनी आयडीएफसी फर्स्ट बैंक हांणी आयोजीत केल्ली ही कार्यावळ राष्ट्रीय पांवड्यावेली सगळ्यांत प्रतिश्ठीत एआय सर्त आसा, जंय भारतभरांतल्या मुखेल आयआयटी आनी मुखेल संस्थांतले हुशार विद्यार्थी नवप्रवर्तक वांये घेतात, जाका लागून संस्थां आनी शारां खातीर हो एक म्हत्वाचो मैलाचो दगड थारता.
‘कॉन्वोल्व 4.0’ 2026 वर्साच्या आवृत्तीक देशभरांतल्यान उपाट प्रतिसाद मेळ्ळ्ळो, तातूंत 8,581 वांटेकार जाले. पयल्या पांवड्या उपरांत, 2,300 वांटेकार दुसऱ्या फेरयेंत गेले. अत्यंत स्पर्धात्मक जनरेटिव्ह एआय ट्रॅकांत,
सुमार 400 पंगडांनी खर मल्टी-स्टेज मुल्यांकनांतल्यान गेलें. हातूंतल्यान देशभरांतल्या पयल्या सात पंगडांचीच निवड आयआयटी गुवाहाटींत जावपी ग्रैंड फिनाले खातीर जाली,” अशें जीआयटीचे प्राचार्य डॉ. एम. एस. पाटील हांणी सांगलें.
ह्या एलीट पंगडांत सर्त करतना, टीम देवबायट्स आपल्या नावीन्यपूर्णता, तंत्रीक कुशळटाय आनी समस्या सोडोवपाच्या वेव्हारीक पद्दतीक लागून उबी रावली आनी निमाणें राष्ट्रीय पांवड्यार ‘रनर अप’ जावपाचो मान मेळयलो. तांची कामगिरी खासा उल्लेखनीय आशिल्ली कारण तांणी मुखेल आयआयटी आनी हेर वयल्या संस्थांच्या पंगडां आड थेट सर्त केली.
राहुल समेदावर आनी संभाजी पाटील
हांकां 1 लाख रुपयांचें रोख इनाम आनी मुंबयच्या आयडीएफसी फर्स्ट बँकेंत इंटर्नशिपाची संद मेळ्ळी, जाका लागून तांकां नेटान वाडपी मळार मोलादीक उद्देगाचो अणभव मेळटलो.
गव्हनौग कावन्सिलाचे अध्यक्ष राजेंद्र बेळगांवकर, प्राचार्य डॉ पाटील, प्रशासन अधिष्ठाते प्रा. डी. ए. कुलकर्णी, विद्यार्थी वेव्हार डीन प्रा. सतीश देशपांडे, आयआरडीसीची डीन डॉ. श्वेता जी आनी हेरांनी आयोजकांनी खासा तोखणाय केली.
जनरेटिव्ह एआय सारक्या उभरत्या तंत्रगिन्यानांत विद्याथ्यांची वाडटी कुशळटाय दाखोवपी केएलएस जीआयटी खातीर ही कामगिरी अभिमानाचो खीण म्हूण मनयल्या.









