के.एल.एस. जीआयटीचो धावो दीक्षांत सुवाळो उमेदीन

उजवाड ब्युरो, बेळगाव: कर्नाटक लॉ सोसायटी गोगेट इन्स्टिट्यूट ऑफ टेक्नॉलॉजी (केएलएस जीआयटी), बेळगांव, राज्यांतली एक मुखेल अभियांत्रिकी संस्था, 22 नोव्हेंबर 2025 दिसा ह्या संस्थेन आपलो धावो दीक्षांत सुवाळो व्हड अभिमानान आनी उमेदीन मनयलो. ह्या सुवाळ्यांतल्यान संस्थेच्या शिक्षणीक उत्कृश्टतायेंत आनीक एक म्हत्वाचो पल्लो गाठलो. मानेस्तांच्या भव्य मिरवणुकेन कार्यावळीची सुरवात जाली. वेवस्थापन मंडळाचे अध्यक्ष श्री. राजेंद्र बेळगांवकर हांणी पदवीधरांक येवकार दिलो, जाल्यार प्राचार्य डॉ. एम. एस. पाटील हांणी संस्थेच्या कार्याबद्दल म्हायती दिली.
ह्या सुवाळ्याचे मुखेल सोयरे म्हूण आयआयएससी बेंगळुरूचे संचालक प्रा.गोविंदन रंगराजन हाजीर आशिल्ले. आर्विल्ल्या काळांत अरेखीत गतीविज्ञान आनी शास्त्रीय नवनिर्माण हांचेविशीं ताणें प्रेरणादायक विचार दिले आनी पदवीधरांक मार्गदर्शन केलें.
श्री. केएलएस जीआयटीच्या पयल्या गटाचो (1984) आदलो विद्यार्थी, नामनेचो उद्देजक, रामकी गटाचो अध्यक्ष आनी राज्यसभा वांगडी अल्ला अयोध्या रामी रेड्डी खाशेलो सोयरो म्हूण हाजीर आशिल्लो. संशोधन, उद्देजकता आनी उद्देग-विद्यापीठ सहकार्याच्या वाडट्या संधीचो फायदो घेवचो अशें तांणी विद्यार्थ्यांक सांगलें.
जीआयटीच्या वेवस्थापन मंडळाचे वांगडी, उपाध्यक्ष श्री. आर बी भंडारे, श्री. डी.व्ही.कुलकर्णी, सचिव श्री. व्ही एम देशपांडे, श्री. एस व्ही गणचारी, संस्थेचे अध्यक्ष श्री. ए.
के. तगारे हे मानेस्त हाजीर आशिल्ले.
ह्या सुवाळ्यांत बी.ई., बी.आर्क., एम.टेक., एम.बी.ए., एम.सी.ए.च्या अभ्यासक्रमांतल्यान पदवीधरांक पदवी आनी गुणवंत विद्यार्थ्यांक पदकां भेटयली.

पदवी मेळपाची आंकडेवारी अशी आसा
वर्ग 2025:

वट्ट पदवीधर: 1220
पदवीधर : 946
(बी.ई.: 880, बी.आर्क.: 66)
पदव्युत्तर पदवीधर: 274
(एम.टेक.: 45, एमबीए: 109, एमसीए: 120)
कार्यावळीच्या शेवटाक कर्नाटक कायदो सोसायटीचे अध्यक्ष श्री. ए.के. तगारे हांणी मार्गदर्शन केले. प्रदीप एस सावकार हांणी अध्यक्षीय उलोवप केले. अशे तरेन हो भव्य पदवीदान सुवाळो येसस्वीपणान सोंपलो.

Related Posts

POPULAR NEWS

EDITOR'S PICK