बेळगांव दियोसिजीचे वरिश्ठ पाद्री फादर नेल्सन पिंटो हांच्या वाढदिसा निमतान.
बेळगांव दियोसिजीचे वरिश्ठ आनी लोकप्रीय पाद्री आनी बेळगाव डायोसीज बोर्ड ऑफ एज्युकेशन ॲन्ड सोशल सर्व्हीसचे आदले सेक्रेटरी कोंकणी सुपूत फादर नेल्सन पिंटो 26 जनेराक आपलो वाडदीस मनयतात.सर्वोदय हायस्कूल, खानापूर हांगा प्रिन्सिपल म्हूण सद्या वावुरपी फादर नेल्सन पिंटो हांची दियोसिजींतल्या गिन्यानी, कुशल प्रशासक आनी अणभवी पाद्रींमदें गणना जाता. सोबीत आनी भारदस्त व्यक्तिमत्व, शांत,सरळ आनी निर्मळ सभाव, जनसामान्यांत आनी भावार्त्यांमदें मिळून- मिसळून जनसेवा करपाची खालत्या काळजाचे म्हान व्यक्तीमत्व म्हूण फादर नेल्सन पिंटो फकत बेळगावच न्हय तर सबंद घाटमाथो प्रदेशांत फामाद आसात.
संक्षीप्त वळख :
फादर नेल्सन पिंटो हांचो जल्म 26 जानेर, 1972 दिसा गोकाक फॉल्स हांगा जालो. बापूय सर्गेस्त फ्रान्सिस आनी आवय मार्गारेट पिंटो आनी तीन भाव अशे तांचे हे भावार्ती कुटुंब. तांचे प्राथमीक शिकप कन्नड माध्यमांत गोकक मिल्स हायस्कुलांत पुराय केलें आनी त्या उपरांत देवाचो उलो आयकून ताणीं सेंट मायकल मायनर सेमिनरी सेमीनरी, मच्छे हांगा दाखलो घेतलो. हुशार आनी अभ्यासु आशिल्ल्या तरणाट्या नेल्सनान 1994 वर्सा आरपीडी कॉलेजींतल्यान बीए पुराय करताना कॉलेजींत 1994 वर्सा कॉलेजींत दुसरो क्रमांक मेळयलो तेन्ना ताचे सगळेकडेन अभिनंदन जाले.
फादरान फुडें सेंट पायस कॉलेज, गोरेगांव हांगा थिऑलॉजीचो यशस्वी अभ्यास केलो आनी 2002 वर्सा फातिमा कॅथेड्रलांत मोस्ट रेव्ह बर्नार्ड मोरास हाणीं तांकां पाद्रीपणाची ओड्द दिली. आनी त्या उपरांत तांची दैदिप्यमान अशी कारकीर्द सुरु जाली.
फादर नेल्सन पिंटो हांच्या वावराची वळख :
2002 : फातिमा कॅथेड्रलांत सहाय्यक पॅरिश प्रीश्ट.
2006 वर्सा डिव्हायन मर्सी इगर्जेचें पॅरीश प्रीश्ट म्हूण वावर आनी नवी इगर्ज उभारली.
2011-2014…. पॅरीश प्रीश्ट, पियेदाद सायवीण इगर्ज , बेळगुंदी आनी
2014-2017 प्रिन्सिपल, सेंट झेवियर्स हायस्कूल बेळगुंदी अशी डबल जबाबदारी यशस्वी रितीन निभयली.
2017-2019.. प्रिन्सिपल, विद्या मंदीर हायस्कूल, नेसरगी
2019-2022… सेक्रेटरी, बेळगांव दियोसीज बोर्ड ऑफ एज्युकेशन ॲण्ड सोशल सर्व्हीस, बिशप्स हाउस, बेळगांव
2022-2025.. प्रिन्सिपल, सर्वोदय विद्यालय, खानापूर
सेवाभावी वृत्तीचो निर्मळ पाद्री आनी कुशल प्रशासक
फादर नेल्सन पिंटो हे दियोसिजींतल्या सगळ्या मिसावां मदें खूब लोकप्रीय आसात. एक पाद्री म्हणून तांचे शेर्माव खूब सोबीत, संक्षिप्त, वास्तववादी आनी टु द पॉईंट आशिल्ल्या अर्थपूर्ण शेर्मावां खातीर तांची सगळेकडेन वळख आसा. ते जयसर वावरतात थयसरले भावार्ती तांचो खूब आदर करतात. एक कुशल आनी अणभवी प्रशासक म्हणून तांची सगळ्या इस्कोलांचे शिक्षक-शिक्षिका आनी कर्मचाऱ्यांमदें वळख आसा. डायोसिजन बोर्डाचे सचीव आसूं वो पॅरीश प्रीश्ट आनी प्रिन्सिपल आसू सरकारी अधिकारी आनी लोकप्रतिनिधी हांचेकडेन तांचे खूब बरे संबंध आसात, ज्यावोरवी ताणीं बरे बरे उपक्रम राबयल्यात.
मनशांखातीर…..मनशांमदलो,
वर्त्या देवान निवडलेलो
जिवीताचो 53वो जल्मदीस मनयता
फादर नेल्सन यज्ञिक आमचो
वैभव म्हयमा, वर्त्या देवाक
सबंद भारतदेश जेन्ना आपलो प्रजासत्ताक दीस मनयता, त्याच दिसा फादर नेल्सन पिंटो आपल्या जिवीताचो 53वो जल्मदीस मनयता हो एक सोबीत योगायोग जावन आसा.
फादर नेल्सन हांकां जल्मदिसाची हुनहुनीत परबीं आनी तांचेवोरवीं समाजांत आनी भावार्त्यांमदें भरपूर सेवा घडुंदी म्हूण देवाबापाचे खाशेले आशिर्वाद मागता तांची फामील – आवय ….. भावजय….. भाव……., भयण……आनी सबंद पिंटो फामील आनी उजवाड परिवार !!
- लुईस रॉड्रिग्स





















