पदयात्रा पोरन्या गोंयची: ७५ वर्स पिरायेचे जाण्टे आनी भुरगीं सामील

पदयात्रा पोरन्या गोंयची:  चार वर्सां पिरायेची ल्हान भुरगीं आनी 75 वर्सां हुंपपी व्यक्ती ह्या यात्रेक सामील जाल्यात. कठीण घाट आनी खर हवामानांतल्यान भोंवपी हे यात्रेकरु आयतारा सांजवेळा बिचोलीम हांगा प्नीावल्यात. अवर लेडी ऑफ ग्रेस चर्च कॅम्पसांत ते मुक्काम करतले. शुक्रारा  ता. २ दिसा 10.30 वरांचेर ओल्ड गोंय पावतले.
हेर भावार्थ्यांच्या लोकांक सोडल्यार 75 वर्सां पार केल्ल्या आनी ल्हान  पिरायेच्या भुरग्यांनी आनी जाण्ट्यांनी पांयान 250 किमी. पदयात्रा पुराय केल्या.
“ म्हजे नातू ह्या वर्सा चलपाच्या तीर्थयात्रेंत सामील जाल्यात. ते थकले नात आनी फुडें वचपाक चलत आसात. ही चलपाची परंपरा आतां फुडले पिळगेक संक्रमण करपाक लागल्या,अशें प्रार्थना केंद्राचे संताजी लोबो हांणी सांगलें. फास्कू (पास्कोल) फ्रांसिस बार्देस्कर हो निवृत्त प्राचार्य, जो आतांच आपलो 75वो वाडदीस मनयता तोय ह्या तीर्थयात्रेचो भाग आसा. “ खरेंच हो एक मंत्रमुग्ध करपी अणभव आसा. वर्साक एक फावट केल्ली तीर्थयात्रा म्हाका वर्सभर फिट दवरता, अशें बारदेसकर हांणी सांगलें.

तीर्थयात्रेक सामील जाल्ल्या कांय हिंदू यात्रेकरुंनी सांगलें की तांकां तांच्या सगळ्या वावरांत सेंट फ्रांसिस झेवियराचो आशीर्वाद आसा. “ वयल्या घाटांच्या वाठारांतल्या गोंयच्या वसणुककारांचो आश्रयदातो आशिल्ल्या सेंट फ्रांसिस झेवियरानय आमकां जायत्या तरांनी आशीर्वाद दिला, अशें  मारुती कोष्ठी आनी दीपक खरकांदे हांणी ‘उजवाड’ कडेन उलयतना सांगलें.
विशेश म्हळ्यार बेळगावथावन सुमार 50 किमी  अंतराचेर आशिल्ल्या अडकुर गांवांतल्या एका भटक्या सुण्यान लेगीत ह्या पादयात्रेंत वांटो घेतला आनी ते चलत आसा, हे विशेश.

Related Posts

POPULAR NEWS

EDITOR'S PICK