
उजवाड ब्युरो, बेळगाव: नाताल ही गरिबांची, गरिबांखातीर आनी गरिबावांगडा साजरी करपाची परब आसा. नातालच्या परबे निमतान तयार केल्ल्ाो उजवाडचो नाताल विशेशांक प्रकाशन करताना म्हाका खूब खोस भोगता. ह्या अंकांत नामनेच्या बरोवप्यांचे संशोधनात्मक आनी वैचारीक बरोवप, लेख, कथा, कविता आसात. हातुंतल्यान नातालचो खरो अर्थ, जेजू क्रिस्ताचो जल्म, ताचे कार्य, इतिहास आनी आधुनिक नातालाचे म्हत्व अधोरेखित जाला. अशे बिशप डॉ.डेरीक फर्नांडिस हांणी म्हळे.
खास नाताला निमतान तयार केल्ल्या उजवाड नाताल अंकाचे प्रकाशन करुन ते उलयताले. मंगळार ता. 23 डिसेंबर दिसा एका खाशेल्या कार्यावळींत हे प्रकाशन जाले. डॉ. फर्नांडिस हांणी मुखार म्हळे, जेजू क्रिस्ताचो जल्म नाझरेथ ह्या साद्या गावांत जालो. जेजू क्रिस्तान 30 वर्सा मेरेन सुतार काम केले. जेजू क्रिस्ताकडे आपली वस्त्रां सोडून दुसरे कितेंच नासले. ताणें घाल्ली जांभळी वस्त्रां लेगीत जुदेवांनी काडून घेतली आनी ताका खुर्सार जिवेशी मारले तरी लेगीत ताणें तांका भगशिले. जेजू क्रिस्ताचो प्रभाव आयज लेगीत मनीसपणाक आकार दिता, अशें तांणी सांगले. उजवाड नातालाचो अंक जेजूच्या जिवितांतल्या मुखेल घडणुकांचो उगडास करून वाचप्यांक आध्यात्मिक खोलाय आनी इतिहासीक चिंतन दोनूय दिता अशेंय तांणी म्हळे.
ह्यावेळार अनमोल तंगुधामची सिस्टर अनिता, संपादक लुईस रॉड्रिग्स, उपसंपादक मिनीन गोन्साल्वीस, सल्ल्ाागार गिरगोल रॉड्रिग्स, डिझायनर पवन काकतीकर, माजी सैनिक आंतोन डिसोझा, अनमोल तंगुधामच्यो विद्यार्थीनी आनी हेर मानेस्त हजर आशिल्ल्ो.
News Views: 394








