मुरगुडः मुरगुड-निपाणी रस्त्यार सुरुपली लागी ऊस भरिल्ले ट्रॅक्टर ट्रॉली खाला सांपडिल्ल्यान मुरगुडची भलायकी सेविका क्लारीन संतान बर्देस्कर (48) हिका थंयच मरण आयलें. ड्युटींतल्यान घरा परततना हो अपघात जालो.
नर्स क्लारीन बार्देस्कर चिखली प्राथमीक भलायकी केंद्रांत ड्युटीचेर वावर करताली. सोमारा सांजवेळा चार वरांचेर सुमाराक चिखली भलायकी केंद्रा खाला कौलगे गांवांत सर्वेक्षण केल्या उपरांत तिणें मुरगुडाक वचपी मोटार सायकल चेर लिफ्ट घेतली. मजगतीं, सुरुपली लागसार रस्त्या कुशीक आशिल्ल्या खडी वयल्यान मोटार सायकल स्लीप जावन रस्त्या कुशीक पडली जाल्यार फाटल्यान बसून आशिल्ली क्लारीन बार्देस्कर रस्त्यार पडली. त्याच वेळार थंयच्यान वचपी ऊस भरून ट्रॅक्टर ट्रॉली सकयल कलारीन मेळली. चाक पोटांवयल्यान गेल्यान तिका सुवातीकच मरण आयलें.
News Views: 767









