वाटंगी हायस्कूल वाटंगीचे आजरा तालुका स्तराचेर यश

  

उजवाड ब्युरो: मुख्यमंत्री माझी शाळा सुदंर शाळा दुसरो टप्पो ही शालेय स्पर्धा हालीच संपन्न जाल्ली. ह्या स्पर्धेचो अंतिम निकाल आयज घोशीत जालो. हातूंत  वाटंगी हायस्कूल वाटंगी ह्या हायस्कूलाक तालुका स्तराचेर तिसरो नंबर मेळ्ळो. बक्षीस रुपान एक लाख रुपयाचे घसधशीत रक्कम सुद्धा हायस्कुलाक फावो जाली. ह्या बद्दल सगळे शिक्षक आनी शिक्षकेतर कर्मचारी हांचे सगळेकडेन अभिनंदन जाता. हायस्कुलाच्या ह्या यशात संस्था अध्यक्ष श्री आल्बर्ट डिसोझा हांचे मोलादिक मार्गदर्शन आनी सगळ्या संचालकांचे सहकार्य मेळ्ळे. तेच भाशेन सगळे  विद्यार्थी आनी पालकांचे लेगीत मोलादिक सहकार्य मेळ्ळे.

ह्या पासोत फाटली 25 वयर वर्सा इस्कोलापासोत निसुवार्थपणान वावर करपी इस्कोलाचे मुख्याद्यापक अनिल देसाई हाणी केल्ले प्रयत्न लेगीत मोलादिक थारले.

वाटंगी आनी परिसरांतल्या ल्हान ल्हान कसब्यांनी रावपी गोर-गरीब आनी होतकरु विद्यार्थ्यांक उच्च प्रतिचे शिक्षण मेळचे ह्या पासोत आल्बर्त डिसोझा आनी वांगड्यांनी ह्या हायस्कूलची स्थापना 1999 वर्सा केल्ली. इस्कोलांत आठवी ते दहावी मेरेन वर्ग आसात. फाटल्या 10 वर्सांथावन ह्या इस्कोलाचो निकाल सतत 100% आसा. तेच भाशेन वेगवेगळ्या स्पर्धांनी लेगीत इस्कोलाच्या विद्यार्थ्यांनी तालुका आनी जिल्हो स्तराचेर विशेश यश मेळयला. शिक्षक आनी शिक्षकेतर अशे 9 कर्माचीरी ह्या इस्कोलाच्या उदरगती पासोत निसुर्वार्थपणान वावरतात.

Related Posts

POPULAR NEWS

EDITOR'S PICK