ध्येय साध्य करपा खातीर विद्यार्थ्यांनी मुखार आशिल्ल्या मुळाव्या ध्येयांचेर लक्ष केंद्रीत करप गरजेचे लूइस रॉड्रिग्स: पुण्यांत संतुलन तर्फ़े सत्कार

उजवाड ब्युरो : ध्येया कडेन झेप घेताना दरेका विद्यार्थ्यान पयलीं मुखार आशिल्ल्या मुळाव्या ध्येयांक प्राधान्य दिवचें, तेन्नाच आपल्या ध्येया मेरेन पावप सोंपें जातलें अशें बेळगांवचे वरिश्ठ पत्रकार, उजवाड कोंकणी नेमाळ्याचो संपादक आनी समाजीक वावुरपी लुईस रॉड्रिगीसान सांगलें. मंगळारा पुण्यांत संतुलन इन्स्टिट्यूटान आयोजीत केल्ल्या अभिनंदन सुवाळ्याक जाप दितना ते उलयताले. संतुलनचे , जिन्दाबाद ह्या नारयन कार्यावळीची सुरवात जाली. ह्या वेळार संतुलनचे संस्थापक आड्व्होकेट बस्तु रेगे आनी संचालिका आडव्होकेट पल्लवी रेगे हाजीर आशिल्ले.
जिणेंत उंचेले ध्येय थारावप खूब गरजेचें, पूण ह्या वेळार दरेकल्यान ल्हान पिराये सावन समाजाक रिणाची भावना वाडोवची आनी दरेका विद्यार्थ्यान आपले ध्येय साध्य केल्या उपरांत हें रीण कशें फारीक करचें तेंय लक्षांत दवरचें अशें तांणी बदलपी काळाची देख दिली. तशेंच फातराच्या खणींत वावर करपी कामगारांची आनी तांच्या कुटुंबाची सर्वांगीण उदरगत करपा खातीर, वंचित बायलांक सशक्तीकरण करपा खातीर आनी वंचित आनी दडपशिल्ल्या लोकांक सशक्त करपा खातीर अबिनंदन करुन संस्थेन 3 दशकां परस चड काळ चलयिल्ल्या निस्वार्थी वावराचीय तांणी तोखणाय केली. कोंकणींतल्यान “देव तुमकां बरें करूं” अशीं उतरां दिवन ताणें सगळ्या विद्यार्थ्यांक शुभेच्छा दिली.

ह्या संदर्भार लूईस रॉड्रिगीसाक पत्रकारिता आनी समाजीक वावराच्या मळार केल्ल्या वावराक लागून तशेंच कर्नाटक सरकाराचो अल्पसंख्यांक जिल्लो समिती सल्लागार म्हणून हालींच ताची नेमणूक जाल्ल्यान शाल, यादस्तीक आनी फ़ुलां तुरो दिवन भोवमान केलो. ह्या संदर्भार संस्था संस्थेचे आयोजक आदिनाथ चंदणे, प्राचार्य बालाजी धोणे, सुरेख गायकवाड, संस्थाची संचालक महिला पाटसंस्था, बेबी बोखळे, सीमा साळवे  आनी हेर मानेस्त हाजीर आशिल्ले.
……
फोटो: एड स्तु आनी पल्लवी रेगे आनी हेर मानेस्त लुईस रॉड्रिग्स हांचो भोवमान करताना

Related Posts

POPULAR NEWS

EDITOR'S PICK