उजवाड ब्युरो, 13 एप्रील 2023 : प्राध्यापक फास्कू फिलीप बारदेस्कर हांचो जल्म 1 जून 1947 सालचो. आजरा-कोल्हापूर मार्गार आशिल्ले उत्तूर गाव म्हळ्यार आजरा तालुक्याचो पोट तालुको. उत्तुर गावच्या फ्रान्सीस आनी सेलेस्तीन बारदेस्कर हांच्या दोन भुरग्यांमदलो व्हडलो पूत तर धाकटी धूव कॅथरीन, (बेळगावच्या काजमील लोबो हांची घरकान्न). तांचे प्राथमिक शिकप उत्तुर गावच्या जिल्हा परिशद इस्कोलां तर हायस्कूल आंतरभारती विद्यालय, उत्तूर हांगा. भुरगेपणासावनच फास्कू एक हुशार आनी चुनचुनीत भुरगो म्हूण परिचीत आसलो ह्या खातीर ताच्या इश्टांचो व्हडलो परिवार आसलो.ह्या विद्यालयाचे संस्थापक अनंतराव आजगांवकर आनी भरत लाटकर हाणीं ताची कुवत वळखून ताचेर राश्ट्र सेवा दलाची जबाबदारी सोंपयली. अशे तरेन फास्कू सर बरीच वर्सा राश्ट्र सेवा दलाची उत्तुर शाखा चलयतालो. लेझीम, कवायत, गायना आनी हेर व्यक्तिमत्व घडोवपी प्रशिक्षणा वोरवी ताणे कितलेशेच विद्यार्थी घडयले. ताचे कॉलेज शिकप निपाणी हांगा जाले. बी.एड. जाल्या उपरांत ताणे दोन वर्सा साधना शिक्षण संस्था, गडहिंग्लज हांगा वावर केलो. आनी फुडें जिल्हा परिशद शाळा, मुम्मेवाडी हांगा जिल्हा परिशद शिक्षक म्हूण वावर केलो.

संपर्कात येवपी मनशाची आस्थेन आनी आपुलकीन विचारपूस करप, ताका निखळ-निर्मळ हास्यान येवकार दिवप हे तांचे वैशिश्ट्य आसले. सात मजली हासप म्हळ्यार तांचे ट्रेडमार्क आसले. स्वता एकाद्रो विनोद करून जोरदार हासप आनी सामकारल्यान विनोद केल्यार खळखळून हासप आनी ताका दाद दिवप हे तांचे वैशिश्ट्य सदांच उगडासांत रावतले.फास्कु सर आनी मार्था उर्फ माडू आंटी जयसर हजर आसतली थंयसर हाच्याचे कारंजे उडत रावताले. खंयचेय कार्य आसू, दोगा सदाकाल जोडीन हजर आसताली. ह्या जोडप्या बगर खंयच्याय कार्यावळींत आनंद- उल्हास राव नासले. विनोद-मस्करी करून स्वता व्हडव्हडल्यान हासपी फास्कु सर सगळ्यांच्या सदांच स्मरणांत सदा रावतालो.
इगर्जीचे काम आसू वो गोंयची पादयात्रा फास्कु सरांचो हातूंत काळजा-मनाथावन सहभाग आसतालो. आपल्या खणखणीत आवाजान ङ्ग आल्लेलूऽऽयाऽऽ ङ्ग. मैलोनमैल चलून दमले-भागलेले पादयात्री हांका फास्कु सरांच्या आल्लेलुया न प्रेरणा मेळटाली.
फास्कु सरांची तब्बेत तशी हो बरी आसली. गावांतल्या ल्हान भुरग्यांच्या वाढदिसाक लेगीत तो हिरीरीन हजर आसतालो. सांत आंतोनी युथ ग्रुपच्या भुरग्यांसांगाता भुरग्यां भाशेन ताळ्यो वाजोवन आनी उड्यो मारून गायन करपी फास्कु सर हो आता आमच्यातल्यान अंतरला हाचेर कोणाचो विश्वास बस ना. खरेच, तो असो अचानक देवाघरा वयतलो अशे कोणी सपनांत लेगीत चितूंक नासले. कोरेज्माच्या निमतान ताणीं एका बायबलचेर आधारीत एक नाटकुले लेगीत तयार केल्ले आनी ते सादर जावचे पयलीच तांका सर्गींचे आपोवणे आयले. देवान दिलो आनी देवानुच व्हेलो असो हो भांगरासारको मनीस.
उत्तुरची शिमीतरी दुरुस्त करून तिका कंपावंड वणट बांदपा पासोत ताणीं माजी मंत्रि- आमदार आनी फुडाऱ्यांची पाठराखण केल्ली. ते स्वता राश्ट्रवादी काँग्रेसचे कार्यकर्ते आसले. तांच्या अचानक वचण्यान कांय कामा अपूरी रावल्यात ती आता आमीच पुराय करूंक जाय. फास्कु सरान आपल्या भुरग्यांक बरे शिकयले. धूव डॉ. स्नेहिता आनी पूत इंजिनियर आशिश हांचेर बरे संस्कार केले. जावय सेलेक्स डॉक्टर आसा तर सून सेल्विया प्राध्यापिका आसा. एफ.एफ. सरांचे कुटुंब म्हळ्यार एक आदर्श कुटुंब.
धार्मिक, सामाजिक आनी कौटुंबिक मळार यशस्वी आनी सर्वसामान्य व्यक्तिमत्व म्हळ्यार फास्कु सर. जेजुचो एक बरो सेवक आनी समजाक प्रेरणा दिवपी व्यक्तिमत्व आशिल्ले फास्कु सर आता आमच्यामदें नांत. तरी तांचे विचार आनी खाशेले हास्य आनी मोगाळ यादस्तींवोरवीं ते सदांच आमच्या मदें आसतले. तांच्या आत्म्याक सासणाचो विशेव मेळूं हीच आमची प्रार्थना.
– अरविंद बारदेस्कर, गडहिंग्लज
मो : 9921584696










