उजवाड ब्युरो, बेळगाव: नवी दिल्ली, १ नोव्हेंबर २०२५ (सीसीबीआय): चवदावो पोप लियोन फादर सायमन आल्मेडा (65) पूणाचो नवो बिशप म्हणून नेमला. सद्या ते अस्तंत प्रादेशिक बिशप मंडळाचे उपसचिव आनी पुण्यांतल्या घोरपुरी हांगाच्या सेंट जोसेफ इगर्जेचो पॅरिश पाद्री आसात.
फादर सायमन हांचो जल्म 4 नोव्हेंबर 1960 दिसा गास, भटोरी, वसोई हांगा जालो. ताणीं आपलें शाळेचें शिक्षण सेंट गोंसालो गार्सिया शाळेंत आनी होली क्रॉस हायस्कुल, निर्मलांत पुराय केलें. १९७८ वर्सा ताणीं पुण्यांतल्या प्रकाश भवन मायनर सेमिनरींत प्रवेश घेतलो आनी उपरांत मुंबयच्या सेंट पायस धावे कॉलेजींत ताणीं तात्विक आनी धर्मशास्त्रीय पुराय केली. 1 एप्रिल 1990 दिसा तांका पूना डायोसीज खातीर पाद्री म्हणून नेमणूक जाली.
तांणी मुंबय विद्यापिठाची मानसशास्त्रांत पदवी आनी समाजशास्त्रांत पदव्युत्तर पदवी मेळयल्या. तशेंच ताणीं मनिला हांगाच्या ईस्ट आशियाई पॅस्टोरल इन्स्टिट्यूटांतल्यान चर्च ऑफ द पुअरांत फावंडेशन्स फॉर पॅस्टोरल रिन्युअल आनी स्टुअर्ड लीडरशिपांत डिप्लोमा (2000-2001) आनी फिलीपीन्सांतल्या एटेनियो द मनिला युनिव्हर्सिटींतल्यान पॅस्टोरल स्टडीजांत पदव्युत्तर पदवी (2000-2002) मेळयली.
पस्तीस वर्सां पाद्रीपणाच्या सेवेंत फादर आल्मेडान पूना डायोसीजींत वेगवेगळ्या सुवातीनी आनी प्रशासकीय जापसालदारक्यांनी सेवा दिल्या. पुणेच्या सेंट पॅट्रीक कॅथेड्रलांत (१९९०-१९९४) आनी खडकी हांगाच्या सेंट इग्नाशियस पॅरिशांत (१९९४-१९९६) तो सहाय्यक पॅरिश पाद्री आशिल्लो. १९९६ ते २००० मेरेन ताणीं डायोसेसन युवजणांचो प्रभारी आनी पुणेच्या प्रकाश भवन मायनर सेमिनरीचो रेक्टर म्हणून काम केलें (२००२-२००३). तो सेंट पॅट्रीक कॅथेड्रल, पुणेचो पॅरिश पाद्री (2003-2008) आनी उपरांत सेंट फ्रांसिस झेवियर पॅरिश, चिंचवाड (2008-2013) आशिल्लो. तशेंच २०१० ते २०१५ मेरेन ताणीं डायोसीजीचो अर्थीक प्रशासक म्हणून काम केलें.
२०१३ थावन २०१९ इस्वेंत ते शोलापूर बाजारांतल्या सेंट एन इगर्जेचो पॅरिश प्रिश्ट आनी २०१९ थावन २०२३ मेरेन ते वाकडच्या सेंट जॉन पॉल दुसरो इगर्जेचो पॅरिश पाद्री आशिल्ले. २०२३ थावन २०२५ मेरेन अस्तंत प्रदेश बिशप काउन्सिलाचे प्रादेशिक उपसचिव जावन वावर केला. आल्मेडा दोन टर्म डायोसेसन पाद्री काउन्सिलचो वांगडी जावनासले आनी २००६ इस्वे थावन डायोसेसन कन्सल्टर जावन वावर केला.जून २०२५ थावन तो सेंट जोसेफ इगजे, घोरपुरी, पुणेचो पॅरिश पाद्री जावन वावर केला.
३० नोव्हेंबर २०२४ ह्या दिसा पूणाचो बिशप जॉन रॉड्रिगीस हांका मुंबयचो आर्चबिशप म्हणून नेमणूक जाली तेन्ना पूनाचें डायोसीज रितें जालें. ह्या डायोसीजींत ९२,३६० कॅथलिक, ४२ पॅरिश, ६४ डायोसेसन पाद्री, १३५ धर्मीक पाद्री आनी ३०० धार्मीक भयणी आसात.
महाराष्ट्रांतले पुणे, सातारा, सोलापूर, सांगली, कोल्हापूर शार हे नागरी जिल्हे पुणे डायोसीजींत आसात. ८ मार्च १८५४ दिसा पूनाचें व्हिकारिएट उबारलें आनी १ सप्टेंबर १८८६ दिसा तांका डायोसिसाचो दर्जो मेळयलो.










