हरहुन्नरी शिक्षक, ऑल रावन्डर-निगर्वी व्यक्तिमत्व ॲन्थनी डिसोझा कोल्हापूरच्या सेंट झेवियर्स हायस्कुलचे व्हाईस प्रिन्सिपल

उजवाड ब्युरो, बेळगांव : मुळावे भादवण, ता आजरा आनी सद्या कोल्हापूर हांगाच्या सेंट झेवियर्स हायस्कुलचे वरिश्ठ शिक्षक ॲन्थनी डिसोझा ( अंतु भादवणकर) हांची हायस्कुलाचे व्हाईस प्रिन्सिपल म्हूण नेमणुक जाल्या. फाटली 25 वयर वर्सां शिक्षक म्हूण वावर करपी डिसोझा हांचे प्राथमिक शिकप आजरा, ग्रॅज्युयेशन गडहिंग्लज आनी बी.एड. गोवा युनिव्हर्सिटीतल्यान जालें. फाटल्या 25 वर्सांच्या जिवीतांत तांकां राज्य आनी राश्ट्रीय मळार जायते भोवमान- पुरस्कार फावो जाल्यात.

एक ऑल रावन्ड आनी हरहुन्नरी व्यक्तिमत्व म्हूण परिचय : ॲन्थनी डिसोझा सर हाणीं खूब संघर्शपूर्न परिस्थितींत आपले प्राथमिक आनी फुडलें शिकप पुराय केले. एक हुशार विद्यार्थी म्हूण तांची वळख आसली. एक गुणवंत विद्यार्थी, आदर्श शिक्षक, निष्णांत गिटारिस्ट आनी गावपी, उत्तम फुटबॉलर आनी जायते अधिकारी घडयलेलो एन.सी.सी. ऑफिसर म्हूण एक हरहुन्नरी व्यक्तिमत्व म्हूण तांची नामणा आसा.

एक बरो वक्तो आनी फामाद मास्टर ऑफ सेरीमनी (सुत्रसंचालक) म्हूण लेगीत ॲन्थनी सर लोकप्रीय आसा. सरळ सभाव लाभिल्ले निगर्वी व्यक्तिमत्व म्हळ्यार ॲन्थनी सर !!

पिरायेच्या केवळ 48व्या वर्सा तांकां मेळिल्ली ही बडटी आनी जिवीतांत ताणीं मेळयिल्ले यश खूब वाखाण्णी करपा सारकें आसा.

समेस्त उजवाड परिवारावोरवीं आनी कोंकणी मोग्यांतर्फे तांका परबीं दिवन तांच्या फुडल्या जिवीता खातीर शुभेत्सा आवंडेता.

– लुईस रॉड्रीग्स

Related Posts

POPULAR NEWS

EDITOR'S PICK