उजवाड ब्युरो : केरळांतल्या एर्नाकुलम जिल्ह्यांतल्या कलामासेरी हांगा आयतारा २९ ओक्टोबर दिसा सकाळीं ९.३० वरांचेर जाल्ल्या स्फ़ोट्कांच्या हल्ल्यांत उण्यांत उणे तीन जाणांक मरण आयलें आनी 40 वयर जखमी जाल्यात.
पूण कोचीचो मुळचो मनीस त्रिशूरच्या कोडकरा पुलीस स्टेशनांत बॉम्बस्फोटाची जापसालदारकी घेवन शरण आयिल्ल्यान आतंकवादी हल्ल्याची शक्यताय न्हयकारली. त्या मनशान स्वताची वळख डॉमनिक मार्टीन अशें सांगिल्ल्याचें पुलिसांनी सांगलें आनी खबरां प्रमाण तो आदीं जेहोवास विटनेस पंगडाचो भाग आशिल्लो आनी ताणें हे स्फोटक उपकरण अधिवेशनांत दवरल्यात असो दावो करून दनपारां सुमार 1:30 वरांचेर पुलीस स्टेशनांत पावलो। ह्या पंगडाच्या पक्षपाती, राश्ट्रविरोधी विचारसरणींक लागून निराश जाल्लो.
हे घडणुके विशीं गृहमंत्री अमित शाहा कडेन उलयिल्ल्या मुख्यमंत्री पिनराई विजयान जखमींतले कांय जाण गंभीर आसात अशी म्हायती दिली.
‘जेहोवास विटनेस’ अधिवेशनांत जयसर स्फ़ोट जाल्ले थंयसर स्फोट जाले आनी ताचे खातीर 2 हजारां वयर लोक जमले अशें साक्षीदारांनी सांगलें. सुरवातीच्या मुल्यांकनांतल्यान हो आतंकवादी हल्लो, अशे चित्र आसले . बॉम्ब पंगड, फॉरेंसिक पंगड आनी एनआयएचो पंगड थंय धांवून गेलो, जाल्यार कन्नूर रेल्वे स्टेशनांतल्यान आनी एका दुबाविताक धरलो.









